Битеу регионланы жетишимлерин бирикдирген кёрмюч

«Россей» Халкъла аралы кёрмюч-форумда къыралыбызны регионлары кеслерини жетишимлерин кёргюзтедиле. Бу деменгили проект Москвада ВДНХ-ны тийресинде Президентибиз Владимир Владимирович Путинни оноуу бла бардырылады. Къабарты-Малкъарны кюню кёрмючде 9 декабрьде къураллыкъды.

Узакъ 1939 жылда Къабарты-Малкъар АССР Россей Совет Федератив Социалист Республиканы санында кесини жетишимлерин Битеусюз эл мюлк кёрмючде баямлагъан эди.  Ол кёрмючден къуралгъанды артда ВДНХ – Халкъ мюлкню жетишимлерини кёрмючю. Республикабызны ары къатышханыны юсюнден Битеусоюз эл мюлк кёрмючюню Сыйлы китабында жазылыпды.

«Россей» Халкъла арлы кёрмюч биягъы битеу регионланы жетишимлерин бирикдирликди. Бизни республиканы баш жетишимлерине агропромышленный комплекс эмда промышленный производство, туризм бла курортла, илму- билим бериу, маданият-этнография бёлюмле саналадыла. Ала барысы да Къабарты-Малкъар Республиканы кюнюню тюбешиулерини программасында белгиленипдиле. Республика россей регионланы санында тийишли жерде боллугъу ишексизди.

Кёрмюч 2024 жылда апрельге дери ишлерикди, ары дери битеу сюйгенлеге бизни экспозиция да ачыкъ болгъанлай турлукъду.

Поделиться: