Алгъыннгы тапсыз затла къайтарылмазча

Синоптикле айтханнга кёре, Къабарты-Малкъарны тауларында быйыл къар мардасындан отуз процентге артыкъ жаугъанды. Ол себепден черекле жай чилледе  Шимал Кавказда сакъ жауунла жаугъан эм къар да къыстау эриген кезиуде къутуруп келирге боллукъдула.    Къарны кёплюгюн эсге алсакъ а, быйыл да, 2002 жылдача,  уллу ырхыла келирлерин сакъларгъа тюшеди, деп билдиреди КъМР-де Гидрометцентрни таматасыны орунбасары Любовь Антонова. 
Жай кюнле къаллай боллукъларын хауаны тинтиген служба жетмиш процентге  тохташдырыргъа  боллукъду.  Анда белгилегенлерича, иссилик  башха жылланы орталыкъ кёрюмдюсюнден озарыкъ  тюйюлдю, жауунла да мардадан кёп жаумазгъа ушайды.
Эсге салыу: 2002 жылда саулай Шимал Кавказда,    черекле кётюрюлюп, инженер объектлени, жолланы, коммуникацияланы, Къабарты-Малкъарда, Къарачай-Черкесде,  Ставрополь крайда эм Краснодар крайда уа юйлеге да кёп хата салгъан эдиле. 

 

Информагентстволаны материалларына кёре.

Свежие номера газет Заман


18.04.2018
16.04.2018
13.04.2018
11.04.2018