Къашхатауда - жангы кинозал

   Черек районда эрттеден бери сакъланнган иш болгъанды - Къашхатаудагъы  Маданият юйде жангы кинозал ачылгъанды, деп билдиргендиле районну администрациясыны пресс-службасындан.
 Ол къууанчха  администрацияны башчысыны орунбасары  Улбашланы Сахадин бла  КъМР-ни  киновидео учреждениясыны  директору Альберт Маканаев  къатышхандыла. Ала биринчи къараучуланы алгъышлагъандыла, андан сора уа ыразылыгъы болгъанланы   фильм къараргъа чакъыргъандыла.
 Арт онбеш жылда мында  кинола хазна кёргюзтюлмегендиле. Аны себепли  кинозалны ачылгъанына сабийле, тамата тёлюле да бек къууаннгандыла. Энди федерал бюджетден  ахча бёлюннгенини хайырындан, районда жашагъанла  цифралы амал бла тыш къыраллы эмда россейли фильмлеге къараргъа онг тапхандыла.
   Кинозалда бир жолгъа 500 адам олтурурча  жер барды, ол шёндюгюлю заманны излемлерине тийишли компьютер техника бла   жалчытылыныпды.  Фильмле къачан, не заманда кёргюзтюллюклерини юсюнден а   Маданият юйюню энчи сайтында  эмда Инстаграммда билирге боллукъду. Аны адреси: dk-kashhatau.kbr.muzkult.ru; kashkatau_rdk.