Жаш тёлюню магъаналы жолоучулугъу

Къабарты-Малкъарда терроризмни эмда экстремизмни профилактикасы бла байламлы программаны чеклеринде  жангы проект бардырылады. Ол жаш адамланы терен сагъыш этерге юйретирге, дагъыда усталыкъларын кючлендирирге къуралгъанды, деп билдиргендиле Къабарты-Малкъар къырал аграр университетден.

Бу жол жаш тёлюню къауумун Эл-Тюбюге элтгендиле. Алай,  биринчиден а, ала Нальчикде Али Шогенцуковну эсгертмесине къараргъа баргъандыла, ызы бла Ата журтубуз ючюн сермешген жигитлерибизге аталып ишленнген «Ёмюрлюк отну» къатында болгъандыла. Андан сора уа Чегем район таба тебирегендиле.

Студентле анда «Къулийланы Къайсыннга жюз атлам» эсгертмеге къарагъандыла, айтхылы назмучуну чыгъармачылыкъ жолу бла шагъырейленнгендиле. Андан сора уа Эл-Тюбюню къатында кешенелеге баргъандыла. Бир ненча ёмюр мындан алгъа ишленнген затладыла ала, туристлеге, къонакълагъа да сейирли болгъанды. Жаш адамла да бу проектге къатышханларыны хайырындан, аланы кеслери кёзлери бла кёргендиле.

 

Омарланы Мурат хазырлагъанды.
Поделиться: