Орамланы сугъарадыла

Къайры да нек жюрюйдюле бу адамла, суу алыргъа шауданлагъа? Жер тюбюнден чыкъгъан «зем-зем» суула бар къадарда орамлада. Шахарны бир-бир орамларында  бахчаланы угъай, жолланы сугъаргъан сунарса...

Аэропорт къатында Ю.Гагаринни атын жюрютген скверни республиканы 100-жыллыгъына тынгылы ремонт этген эдиле. Къурулушчула кетген кюнледен бери чыгъып тургъан суу Гагарин атлы орамда жолну буза тебирегенди, энди скверни ичинде бир халеклик салгъынчы, аны тыйсала иги боллукъ эди.

Экинчи «шаудан» а Идаров орамда 31-чи мектепни тийресиндеди. Гагарин орамдагъыча, жашырын жерде болмагъаны себепли аны тыйгъан да болурла. Экинчи барып къараргъа онг чыкъмады. Алай аэропорт тийресиндеги «шауданны» жер тюбюне бугъунур къайгъысы жокъду.

бла бир уллу элни суусабын къандырыр онгубуз зырафына кетип турса.

Бизде бошуна тёгюлюп тургъанча таза суулары болмай къаллай бир шахарда къыйналып жашайдыла. Табийгъат элпек, артыгъы бла берген байлыкъны аясакъ хатасы болмаз. Ичер сууу тауусулгъандан а хар инсанны Аллах сакъласын.