Террористлеге болушханлары ючюн терсленедиле

Терроризмге къажау мадарланы толтургъан кезиуде РФ-ни ФСБ-сыны КъМР-де Управлениясыны къуллукъчулары Бахсан райондан А.М.Хамуковну бла Л.М.Хамукованы бузукъчу ишлерин тохтатхандыла. Ала террористлеге ачха ётдюргенлери ючюн терсленедиле.

Юг федерал аскер округну сюдю ала РФ-ни УК-сыны 208-чи статьясыны 2-чи кесегине, 205.5-чи статьясыны 2-чи кесегине эм 205.1-чи статьясыны 4-чю кесегине  бузукълукъла этгенлерин тохташдыргъанды. Сюд А.М.Хамуковну эркинлигин 18 жылгъа сыйырыргъа деген оноуну чыгъаргъанды. Ол ал тёрт жылны тюрмеде, къалгъанын а къаты низамлы колонияда ётдюрлюкдю. Дагъыда интернетде сайтланы бла социальный сетьледе бетлени администраторуну къуллугъунда ишлерге чекле да салыннгандыла – 2 жылгъа бла 6 айгъа.

Л.М.Хамукованы уа 16 жылгъа бла 6 айгъа  тутаргъа деген оноуну чыгъаргъанды сюд. Ол битеулю низамлы колонияда турлукъду бу заманны. Анга да интернетде сайтлада бла социальный сетьледе бетлени администраторуну къуллугъунда 2 жылны ишлерге жарарыкъ тюйюлдю. Сюдню оноуу кючюне киргенди, деп билдиргендиле бизге кюч ведомствону пресс-службасындан.