Кёз къууанырча жумуш

Басхан районну Жанхотия элини паркын тапландырыу жаны бла ишле бардырыладыла. Алай бла, бу кюнледе район таматала эллиле бла бирге анда 100 жангы терек орнатхандыла. Къайын терекле, туяла, жёге терекле бир он жылдан аламат ёсюп, адамлагъа солурча аламат ауана къурарыкъдыла.

Эсигизге салайыкъ, солуу паркны мында «Жашау журт эм шахарны тапландырыу» деген миллет проектни чеклеринде 2021 жылда ишлеп тебиреген эдиле. Скверни узунлугъу 300 метрди. Бюгюнлюкде анда сабий гыллыучала бардыла, плитка салыныпды, адамла олтурурча шинтикле да орнатылыпдыла.

Бу жумушха къатышханла чертгеннге кёре, терекле уа паркны сыфатын андан ариу эм айбат этерикдиле.