Чегем чучхурлада - терк ишлеген интернет

Чегем чучхурланы тийресинде терк ишлеген мобильный интернет чыкъгъанды. Билайн компанияны специалистлери 4G станция орнатып, аны Хушто-Сыртда эмда чучхурланы къатында игилендиргендиле. Энди алайлада къуру интернет угъай, мобильный связь да иги ишлерикди.

Компанияны Нальчикде бёлюмюню башчысы Сергей Толбоев айтханнга кёре, алгъаракъда компания саулай республикада VoLTE стандартны кийиргенди. Ол а телефонну бирси жанында адамны ауазы бютюнда таза, шатык эшитилирча этеди. «Энди уа бери келген туристле ариу табийгъатны суратха эмда видеогъа алып, социал сетьлеге женгил салаллыкъдыла. Быллай терк ишлеген интернет болгъаны Хушто-Сыртда жашагъанлагъа да аламат амалды, окъууда, неде да хайырланыргъа себеплик этеди. Къабарты-Малкъарда сетьни айнытыу бла мындан арысында да кюрешип турургъа умутлубуз», - дегенди ол.