Республиканы белгили жерлерин жаратхандыла

Мындан алда Къабарты-Малкъаргъа белгили блогерле Екатерина бла Дмитрий Козловла эмда «Жолоучулукъдан эсе кёп» телепрограмманы келечилери да келип, республикада жолоучула аслам жюрюген жерлeгe айланнгандыла, кёрген затларын видеогъа алдырып, социал сетьлere салгъандыла эм VK платформа бла аслам хайырланнганланы шагьырейлендиргендиле.

Ала беш кюнню ичинде республикагъа келген къонакъла эм жолоучула кёп айланнган жерледе болгъандыла. Видеогъа алгъанларын эм суратланы ВКонтакте социал сетьде эм сагъынылгъан проектни баш кинофильмине саллыкъдыла, ол быйыл Интернетде боллукъду.

«Жерле» проект VK социал сеть бла «Жолоучулукъдан эсе кёп» программаны эм Интернетни айнытыу институтуну болушлугъу бла бардырылады. Аны хайырындан 2024 жылны ахырына дери Россейни 70 регионуну тарыхына, белгили жерлерине, адамларына жораланнган видеороликле эм башха тюрлю телепрограммала жарашдырыллыкъдыла. Аланы баш магъаналары хар регионну жетишимлерини, тарыхларыны, ол тийреледе жашагъанланы жашау турмушларыны юслеринден хапарланы сетьледе кенг жайыуду.

«Бизни проектибизге кёре, медиа жолоучулукъланы аслам бардырыргъа керекбиз. Хар регионну энчи-тюрсюнлери, адамлары, къадарлары да башха-башхадыла. Къабарты-Малкъарны жамауатыны ала къонакъбайлыкъларын, андан сора да, республика жаланда табийгъат тамашалыгъы бла белгили болуп къалмай, анда жашагъанла туугъан жерлерин къалай сюйгенлерин, аны айнытыргъа не къыйын салгъанларын кёргюзтюрге кюрешгенбиз», - дегенди VK «Жерле» проектни таматасы Ирина Саютина.

Республикагъа келген блогерле бардыргъан медиа жолоучулукъгъа къатышханла таулуланы жашау турмушлары бла шагъырейленнгендиле, Биринчи Чегемде Къулийланы Къайсынны музейинде болгъандыла, кийизле этген эм миллет кийимле тикген жерлени жокълагъандыла.

Жарашдырылгъан программаны иги кесек заманын параплан бла учхан кезиуле эм экстремал солуугъа саналгъан затла да алгъандыла. Андан сора блогерле нарзанла чыкъгъан жерледе болгъандыла, сууукъ гара суулада жуууннгандыла, миллет ашхананы тюрлюлюгюн кёргендиле эм миллет тепсеулеге юйреннгендиле.

Республикагъа келген къонакъла Минги тауну кёрюрге деп жарашдырылгъан жерде кофени татыуун ангылагъандыла эм Чегем ауузунда Гитче чучхурлагъа къарап, зауукълукъ алгъандыла.

«Бу жолоучулукъ бизге эртте этген муратыбызны толтурургъа онг бергенди - созулгъан жип бла бийик жерден энишге секирирге, парапланда учаргъа эм бир жерде да болмагъан аламат табийгъатны тамашалыгъын кёргенбиз. Битеу ол затладан биз бир да болмагъанча уллу зауукълукъ алгъанбыз», - дегендиле Екатерина бла Дмитрий.

Белгили блогерле бла бирге битеуроссей проектледе эм эришиуледе хорлагъанла Алёна Быбина бла Елена Иванова айланнгандыла. Ала Къабарты-Малкъаргъа келир ючюн социал сетьле бардыргъан конкурсда хорлагъандыла.

«Биз жашагъан регионубузну белгили жерлерини юсюнден суратла эм видеоклипле да алып, VK сетьде кёргюзтюрге керек эдик. Эришиуню болумуна кёре, чыгъармачылыкъ жаны бла эм иги программаны жарашдыргъанланы сейирлик жолоучулукъгъа чакъыргъандыла. Мен Нижний Новгородну юсюнден роликни хазыр этгенме, ол кезиуде тауланы кёрюрге умут этгеними да билдирген эдим. Ма бу проектни хайырындан

ол муратым толгъанды», - дегенди Алёна Быбина.

Поделиться: