Ток бла тынгылы жалчытырча

Кёп болмай Нальчикде токчула «Завокзальный» микрорайонда жашагъан  онбеш минг адамны, ол санда онеки чакълы   социал объектни ток бла жалчытхан «СКЭП» подстанцияны ток  ызларын тинтип бошагъандыла. Керек жерлеринде ремонт этгендиле, бир къауум затны жангыртыргъа да тюшгенди.

 Алай бла тёрт бетон чыпынны эм  1,5 километр чакълы бирде 110 кВт.  чыбыкъланы  алышыргъа керек болгъанды. Аны бла бирге ЛЭП жетмиш мингден аслам шахарчыны энергокюч бла жалчытхан   «Нальчик» подстанциягъа да ток береди. 

- Былтырдан башлап «Россети Северный Кавказ» «СКЭП» подстанция тынгылы ишлерча  инвестициялы проектни бардырады. Аны чеклеринде  1991 жылдан бери ишлеген эм иги да тозурагъан трансформаторну орунуна иги да кючлюсю салыннганды. Саулай алып айтханда, тийишли ишлеге 60 миллион сом чакълы къоратылгъанды. Профилактика халда этилген эмда тынгылы ремонт ишле абонентлени ток бла тынгылы жалчытыргъа эм къоранчланы да азайтыргъа болушурукъдула, - деп билдиргенди  «Россети Северный Кавказ» – «Каббалкэнерго» биригиулени таматасы Муртаз Каров.