Жангылыкъла

Росгвардияны КъМР-де Управлениясында офицерлени арасында троеборьеден эришиуледе алчыла ачыкъланнгандыла.

   КъМР-ни Башчысы Казбек Коков Коронавирус инфекциягъа къажау оператив штабны жыйылыуун бардыргъанды. Анга КъМР-ни Парламентини Председатели Татьяна Егорова, КъМР-ни Правительствосуну Председатели Мусукланы Алий,  министерстволаны бла ведомстволаны, муниципал къуралыуланы, право низамны сакълаучу органланы, жамауат биригиулени келечилери да къатышхандыла.

Былтыр Къабарты-Малкъарны агропромышленный комплекс бёлюмю экспортха 16,2 миллион доллар багъасына продукция ашыргъанды. Алай бла белгиленнген план 108 процентге толтурулгъанды, деп билдириледи КъМР-ни Эл мюлк министерствосундан.

Россейни Эл мюлк министерствосу бла КъМР-ни Правительствосуну келишимини чеклеринде «Халкъла аралы кооперация эм экспорт» миллет проектни «Агропромышленный комплексни продукциясыны экспорту» деген регион проектине кёре, республика 15 миллион долларгъа продукция сатаргъа онгу бар эди.

КъМР-ни Башчысы Казбек Коков  «Эльбрус» туризм-рекреация  комплексни айнытыугъа жораланнган кенгешге видеоконференция халда къатышханды. Жыйылыуну Россейни экономиканы айнытыу министрини орунбасары Сергей Назаров бардыргъанды. Аны юсюнден бизге КъМР-ни Башчысыны бла Правительствосуну пресс-службасы билдиргоенди. 

2022 жылда курортда инфраструктураны  къурауну бла тийрелени тапландырыуну къыстау кезиую башланады. Аны бла байламлы ишни нормативлерин тохташдырыуну, «жол картада» 2022-2023 жыллагъа белгиленнген мадарланы юслеринден сёлешиннгенди кенгешде.

Къабарты-Малкъарны Башчысы Казбек Коков  коронавирус бла байламлы контакт арада болгъанды, аны республиканы оноучусуну буюруу бла къурагъандыла эм ол бу кюнледе ишлеп тебирегенди.

Былтыр Къабарты-Малкъарны сабанчылары  152 чакълы энчи эл мюлк техника бла оборудование къоллу болгъандыла.  Ол себепден   бу жаны бла план толусунлай толтурулгъанды.

Сагъынылгъан техникадан 92 трактор бла 17 мирзеу оргъан комбайнладыла. Ол кёрюмдюле эки къауумда да  145 эм 150 процентге жетгендиле.

Бюгюнлюкде техниканы лизингге алыргъа жарагъаны  предпринимательлеге ахшы себепликди. Былтыр республикада 300 миллион сом багъасына  лизингге 59 эл мюлк техника бла оборудование  алыннганды.  

Кёп болмай Къабарты-Малкъар къырал университетде  «Регионда маданият-жарыкъландырыу эм саулукъну кючлеу  туризмни  проблемасы эм къыйматлыгъы»  темагъа жораланып.  регионла аралы илму-практика конференция болгъанды, - деп билдириледи вузну  пресс-службасындан.

Федерал Кадастр палатаны башчысы Владислав Ждановну оноуу бла энди жеринден тепдирилмеген мюлкню Бирикген къырал реестринден (ЕГРН) информация бла байламлы документлени курьер жиберип алыу эм бериу жумушну багъасы иги да азайгъанды.

Коронавирус аурууну жангы тюрлюсю «Омикронну» хатасындан поликлиникаланы ишлерине иги кесек къошулгъанды, аны бла байламлы Къабарты-Малкъар Республикагъа болушлукъгъа деп 31 миллион сом берилликди.

Аллай оноу коронавирусну жангы штаммын тыяргъа эм поликлиникалада болгъан онгланы толусунлай хайырланып, инфекциягъа къажау мадарланы тийишлисича бардырыр ючюн этилгенди.

  КъМР-ни Башчысы  Казбек Коков Регионланы айнытыу жаны бла правительстволу комиссияны Россейни Правительствосуну Председателини орунбасары Марат Хуснуллинни башчылыгъы бла видеоконференция халда бардырылгъан жыйылыууна къатышханды