Жангылыкъла

Кёп болмай Экинчи Чегемни 3-чю номерли орта школунда къууанч халда «Къоркъуусузлукъну лабораториясы» ачылгъанды. 

«Иш кёллю Россей» жамауат организацияны Къабарты-Малкъарда бёлюмюнде видеоконференция халда жыйылыу бардырылгъанды. Анда жаш тёлю предпринимательствону айнытыуну эмда анга себеплик этиуню юсюнден сёлешгендиле. Анга бёлюмню башчысы Юлия Пархоменко эмда келечилери Бетал Ивазов бла Юлия Зотова къатышхандыла.

Херсон областьда украинлы аскерчиле СУ-22 самолётну уруп тюшюргендиле деген жалгъан хапарны ВСУ-ну спикери Юрий Игнат билдиргенини юсюнден Войнасфейками.рф деген телеграмм-канал жазады.

2030 жылгъа Россейде адам саны 100-500 болгъан гитче эллени барында да 4G интернет ишлерикди. Келир жыл ол къайсыларында болурун сюе эсегиз, Госуслуги порталгъа кирип, 12 ноябрьге дери къол кётюрюрге амал барды. Письмо жазып билдирирге сюе эсегиз а - 26 ноябрьге дери заман бериледи.

Нальчикде 7-чи школда Росгвардияны КъМР-де управлениясыны «Эльбрус» СОБР-ну къуллукъчулары сабийлеге кишиликни дерсин ётдюргендиле.

Быйыл Къабарты-Малкъарда жолланы жангыртыу жаны бла аслам ишле этиле баргъанына сёз да жокъду. Кесибиз кёребиз, шахарланы бла эллени кёп къалмай барында да эски жоллагъа ремонт этиу, жангыларын ишлеу да тири баргъанын. Анга кёп организацияланы специалистлери къатышадыла: бирлери асфальт жаядыла, башхалары белгиле бла бордюрла орнатадыла, орамла кече чыракъла бла жарытылырча этедиле. Дагъыда кезиулю жумушланы тамамлаучула: ууакъ ремонт этиучюле, жолланы юслерин, жанларын да кырдыкдан бла кир-кипчикден тазалаучула – аланы къыйынларын да белгилемей болмайды.

 Россейни Пенсия фондуну регионда Баш управлениясына «исси телефон» бла сёлеширге боллукъду, аны номери: 8-800-600-01-84.

Пенсия фондну регионда Баш управлениясыны пресс-службасындан билдиргенлерине кёре, фондну регион бёлюмлерини «исси телефонларына» неда бир контакт-арасына сёлешгенде айтырча «код» сёзню хайырланадыла. Аны болушлугъу бла инсанны энчи данныйлери бла байламлы информацияны, сёз ючюн пенсияны ёлчеми, социал тёлеулени, счётуну болумуну, аналыкъ капиталдан къаллай бир ахча къалгъаныны юсюнден билирге боллукъду.

Республиканы Курортла эм туризм министерствосундан билдиргенлерине кёре, аэроэкспрессде октябрь бла ноябрь айлада журналлада Архызны, Элбрусну бла Ведучини юсюнден суратлары бла билдириуле боллукъдула.

Хайырланылгъан электрокючню багъасын келир айны онунчусуна дери тёлерге кереклисин къайтарып эсгередиле «Россети Шимал Кавказ» компанияда.