Жангылыкъла

Жылны аллындан бери Къабарты-Малкъарда социальный болушлукъ тапдырыу жаны бла 530  келишим этилгенди. Алагъа кёре 2690 адамгъа 630 миллион сом багъасы болушлукъ этилгенди.

«Билим бериу» деген миллет проектни чеклеринде Басхан шахарда жангы микрорайонда орта школну къурулушу барады. 

Нальчикде 2 номерли от тюшюу-къутхарыу бёлюмде ишлгенле «Почувствуй себя пожарным!» деген блог-тур ётдюргендиле.

Битеуроссей халкъ фронтну Къабарты-Малкъарда бёлюмюню келечилери, республикадан предпринимательлени себепликлери бла Украинадан къачып келген кёп сабийли юйюрлеге болушлукъ этгендиле.

«Къоркъуусузлу качестволу жолла» деген миллет проектни чеклеринде бизни республикада тийишли ремонт ишле эбине жете турадыла. Бу кюнледе Куба бла Малка эллени арасында жол жангыртылып, хайырланыугъа берилгенди. Аны узунлугъу 6,6 километрди, ол кеси да «Кавказ» трассагъа къошулупду.

«Къоркъуусузлу качестволу жолла» деген миллет проектни чеклеринде бизни республикада аслам иш этиле барады. Бу кюнледе жол къурулушчула Инаркой бла Огъары Курп эллени арасында жолну жангыртыу бла кюрешедиле. Аны узунлугъу 4,2 километр болады, деп билдиргендиле республиканы Транспорт эмда жол мюлк министерствосундан.

Совет власть бизнича миллетлеге берген игиликлени санасакъ, ол уллу хазнады. Ол байлыкъны бек аллында, айхайда, билим турады. Кертиди, алда да болгъандыла билимли адамларыбыз, алай ала асламысында арап окъуугъа тюшюннгенле эдиле. Кёнделенде тёрт межгит болгъанды. Алада медиреселеде башха элледен, Къарачайдан окъуна келип окъугъандыла. Къашхатау да ол кезиуледе уллу эл тюйюл эди, эки жюзге жууукъ юй. Алай анда Огъурлуланы Хажини медиресесинде элли-алтмыш жаш адам окъугъандыла.

«Ёлюм къайда сатылгъанын айт» деген битеуроссей акцияны экинчи кезиуюнде КъМР-де МВД-ны наркотиклеге къажау управлениясында  акъылбалыкъ болмагъанланы арасында наркотиклени жайыуну профилактикасын бардырыр муратда сабийлеге семинар ётдюрюлгенди.

Школланы кюз арты кезиуюнде Къабарты-Малкъарны жолларында «Каникулла, жол, сабийле!» деген аты бла профилактика ишле бардырыладыла.

Агъачха от тюшмез ючюн   жай эм кюз арты  кюнледе  бютюн сакъ болургъа керекди.