Жангылыкъла

Хурметли жамауат!

Сиз республикабызда тамамланнган ишлени юслеринден толу хапар алыргъа сюе эсегиз;

Кёп болмай Битеуроссей халкъ фронтну (ОНФ) Къабарты-Малкъарда бёлюмюню, Нальчикде Ара рынокну таматасы Бабаланы Заурну башламчылыгъы бла эм арендаторла да къошумчулукъ этип, энчи операция баргъан жерге гуманитар болушлукъ жыйылгъанды. Аны солдатлагъа бла Россейни жангы регионларында жашагъан мамыр адамлагъа ашырлыкъдыла.  

Кёп болмай Нальчикде токчула онбеш минг адамны, ол санда онеки чакълы   социал объектни ток бла жалчытхан "СКЭП" подстанцияны жангыртып башлагъандыла.  Тийишли ишлеге 60 миллион сом чакълы къоратыллыкъды. Аны юсюнден бизге "Россети Северный Кавказ" биригиуню пресс-службасындан билдиргендиле.

Быйыл Къабарты-Малкъарны эл мюлкде уруннганлары 86 тюрлю техника сатып алгъандыла. Ол санда 78 трактор, будай ургъан 7 комбайн эм мал аш жарашдыргъан комбайн. 

Черек районну аграрчылары мирзеулюк нартюхню оруп бошай турадыла. Быйыл мюлклени барында да  нартюхню 2355 гектарда салгъандыла. Ол былтырдан иги да кёпдю.    

Бизни республикада жашау журт-коммунал мюлк предприятияланы электрокюч ючюн этген борчларыны битеулю ёлчеми бир миллиард сомгъа жете къалады. 

Бешинчи декабрьден тебиреп онбешинчи декабрьге дери Россейни почта бёлюмлерини барысында да федерал газетлеге бла журналлагъа 30 процентге дери учуз жазылыргъа онг барды.

Россей Федерацияны Президенти Владимир Путин бюджет бёлюмде уруннганланы иш хакъларын 2023 жылны январь айындан тебиреп кётюрюрге буюргъанды.

Нальчикни аэродромунда къутхарыучула юйрениуле бардыргъандыла.

Къашхатаудагъы  сабий чыгъармачылыкъны юйю 1955 жылда къуралгъан эди.