Жангылыкъла

Сабийден ауурлукълары болуп, ал кезиуледен медицина учрежденияда эсепге тургъан тиширыулагъа ай сайын берилген пособие – файдалары аз юйюрлеге къыралны жанындан болушлукъну бир тюрлюсюдю.

Кёп болмай Бахсан муниципал районда агропромышленный комплекс бла байламлы бёлюмню быйылгъа ишин эсеплегендиле.

Ата журтну Жигитлерине атап, Росгвардияны КъМР-да управлениясыны келечилери жаш тёлюню патриот ниетде юйретиу бла байламлы «тёгерек» столгъа къатышхандыла.

Багъалы окъуучуларыбыз!

Къабарты-Малкъарны Регионнга оноу этиу арасы (ЦУР) ай башланнганлы тогъуз жюзден аслам соруугъа къарагъанды. Аланы асламысы «Telegram», «Однаклассники, «ВКонтакте» социал сетьледе кётюрюлген «Инцидент Менеджмент» системаны амалы бла жарашдырылгъан проблемаладыла.

Багъалы окъуучула!

Къабарты-Малкъар «Качестволу эм къоркъуусуз автомобиль жолла» миллет проекни тири бардырыргъан регионладан бириди. Аны баш магъанасы адамланы жашау болумларын игилендириргеди. Ол себепден эм биринчи социал объектлеге баргъан жолла тапландырыладыла.

Автомашина жоллагъа къарагъан «Кавказ» управленияны ишчилери Къабарты-Малкъарда федерал трассала къоркъуусуз болурча дайым эс бургъанлай, тийишли жумушланы тамамлагъанлай турадыла.  

Бу кюнледе Къабарты-Малкъаргъа къаты сууукъла келгенлери ючюн,  буз басып ток чыбыкъланы юзгенди эм саулай   энергокюч системаны да уллу ауурлукъ бла ишлерча этгенди.  Аны амалтын  Бахсан эм Зольс районлада онжети эл,  неда 53 мингден аслам адам токсуз къалгъандыла.  Аварияланы къысха заманда кетерирча   «Россети Северный Кавказ» биригиуню таматасы Виктор Абаимов  къошакъ халда къоншу регионладан бригадаланы чакъыртханды. 

Росгвардияны Звёздный элде аскер бёлюмюнде «Дунияда эм иги адамгъа» деген сабий сурат конкурсну эсеплери чыгъарылгъандыла. Конкурс Ананы кюнюне аталып,  аскерчилени сабийлерини араларында бардырылгъан  «Анама сюймеклик бла» акцияны чегинде ётгенди.