Жангылыкъла

Росгвардияны Къабарты-Малкъарда Управлениясыны келечилери Терк районда  Курп бийикликлеге чыгъыугъа къатышхандыла. Бу иш регионну немисли ууучлаучуладан эркин этилгенини 80-жыллыгъына жораланнганды.

Жангы жылгъы байрамладан сора кёпле назы тереклерин орамлагъа атадыла. Ол а кир-кипчикни ташыгъан службалагъа жюк болады. Быллай болуму тюзетир ючюн «Экологистика» организация  «Зёленый дозор» деген ишчи отряд бла бирге «Ёлочный круговорот» деген акцияны бардырады. Къабарты-Малкъар анга тёртюнчю жыл къатышады, деп  билдиреди оранизацияны пресс-службасы.

Нальчикде «Спорт жашауну мардасы» федерал проектге кёре буз къаланы къурулушу къыстау барады.  Ол Нальчик сууну жагъасында 2-чи Тамань дивизия атлы орамда орналады.  Аны уллулугъу тёрт минг квадрат метрге жетерикди, трибуналарында юч жюзден аслам къараучугъа жер барды эм спортчуладан да жюзге жууугъу сыйынырыкъды. Мында къыш оюнланы хоккей, фигурный учуу, кёрлинг дегенча тюрлюлери бла кюреширге онг боллукъду. Аны бла бирге бузда учаргъа сюйгенлеге аллай онг табыллыкъды, керек инвентарьны мында прокатха алыргъа жарарыкъды.

«Россети Шимал Кавказ» компанияны оператив штабы эмда специалистлери озгъан байрам кюнледе бек тири ишлегендиле. 

Былтыр «Россейни шахары: миллет сайлау» деген битеуроссей конкурсну чеклеринде  Нальчик ючюн жюз минг адам къол кётюргенди.

Къабарты-Малкъарны Регионнга оноу этиу жаны бла арасы (ЦУР)  республиканы инсанлары бла власть органланы арасында байламлыкъны жалчытырча эм чыкъгъан соруула къысха заманда  тамамланырча ишни  тири бардырады. 

Энди Россей Федерацияны инсанлары Борчлу халда медицина страхование полисни (ОМС)  кеслерине эм сабийлерине  болса да, «Госуслуги» порталда жарашдырыргъа боллукъдула. 

Кёп болмай «Милосердие 07» жандауурлукъ фонд Жангы жылны  байрамына жоралап саулукълары бла байламлы чекленнген онглары болгъан эм къарыусуз юйюрледен сабийлеге саугъала берирча тёрели акцияны  бардыргъанды.  

Нальчикде Къабарты орамда орналгъан  2-чи номерли Сабий музыка школгъа тынгылы ремонт этилип бошалгъанды.  Ол 1903 жылда ишленнген шахарны  эрттегили мекямларындан бирине саналады.   

Кёп болмай КъМР-ни Транспорт эмда жол мюлк министерствосунда «Къоркъуусуз эм качестволу жолла» миллет проектге эм къырал программалагъа кёре,  тамамланнган жумушланы эсеплегендиле эм этилирге керек ишлени белгилегендиле.