Саулукъ

Бу кюнледе биз тюрлю – тюрлю  суула  ичебиз: иссиликге чыдаргъа ала бек болушадыла. Алай  аланы къайсысы игиди саулукъгъа?! Аны юсюнден терапевт Текуланы Асият бла ушакъ этгенбиз.

Дарманла болушмай къыйналгъанла кёпдюле шёндю. Халкъ медицина уа тёрелини бир бутагъы бола турады. Сёз ючюн, къан эмиучю къуртланы тыш кёрюмдюлери эрши болгъанлыкъгъа, ала адамны къыйын аурууладан къутултадыла. Биз терапевт Холамханланы Халимат бла аланы юслеринден ушакъ бардыргъанбыз

Нальчикде «Бубновскийни арасы» ачылгъанлы анда кёпле саулукъларын игилендиргендиле. Сергей Михайлович Бубновский дунияда аты айтылгъан докторду. Алай ол саусузланы дарманла бла угъай, кеси къурагъан тренажёрла бла багъады. Ол  къурагъан арала Россейни кёп шахарында ишлейдиле.

 Жашлыкъны, ариулукъну сакълар амал бармыды? Ёмюрлюк  жашлыкъны жашырынлыгъын табаргъа адам улу хар заманда да итинип келгенди. Кёп ёмюрлени ичинде алхимикле бла врачла дуния бла бир рецептлени айтхандыла: сарымсах, къызыл чагъыр, къанны алышындырыу, мыйыдан гипофизни кетериу дегенча мадарланы. Ол амалланы хар бири да бир кесекге жарагъан кибик этсе да, къартайыуну уа тохтаталмагъанды. Алай эсе да, ол кюрешни ахырында алимле къартайтмазлыкъ дарманны жарашдыралмагъандыла. Биз узакъ ёмюрлю болур ючюн амалланы «Ариана» медицина араны врач-терапевти Ахкёбекланы Зайнаф бла ушакъ этгенбиз.

Медиклени айтханларына кёре, Шимал Кавказда, ол санда Къабарты-Малкъарда да, туберкулёз уллу жарсыу болгъанлай къалады. Жарсыугъа, арт жыллада андан акъылбалыкъ болмагъанла да ауругъанлары эсленеди. Аны юсюнден толуракъ фтизиатр Дондуланы Анжела бла сёлешгенбиз. 

Жайда губула жайылгъанларын барыбыз да билебиз. Аладан сакъланыр амалланы юсюнден Инфекция ауруулагъа эм СПИД-ге къажау араны врач-инфекционисти Аппайланы Шамил бла ушакъ этгенбиз.

Жюрегим ауруйду деп бусагъатда кёпле айтадыла. Къайдан чыгъадыла бу ауруула? Жюрегим Инсульт болду деген сёзлени терк-терк эшитебиз. Не палах аурууду бу? Аны юсюнден Кардиология араны кардиологу Жанатайланы Людмила бла ушакъ этгенбиз.

Кеслерине медицина усталыкъны жюрек излемлери бла сайлап, жамауатдан ыразылыкъгъа, хурметге да тийишли бола ишлеген эгеч-къарындашларыбыз асламдыла. Ала къолларындан келгенни, билимлерин да аямай кюрешгенлерини хайырындан а, дуния пандемия болумланы къужур кезиуюне тюшюп къалгъанда да, халкъ алагъа ышаннганды.

Абадан адамланы сюеклери кальцийни тас этип, сынаргъа ёч боладыла. Алай жан сюекни боюну сынса уа, ол бютюнда къыйын ишди. Аны юсюнден биз врач Холамханланы Халимат бла ушакъ этгенбиз.

Бир-бир аурууладан къыйналса, адам анга толусунлай ашын тюрлендирирге тюшеди. Аладан бири диабетди. Бусагъатда бу къыйын ауруу терк жайылып барады, сабийлени араларында да ол санда. Ала конфет-къалач ашамай къалай турсунла?  Белгилисича, сахарный диабетден  ауругъанла татлы  затланы  ауузланыугъа  энчи эс бурургъа керекдиле. Бу ауруугъа  хорлатмаз ючюн, тюнене татлы  затланы  ашагъанла  аланы бюгюн  арталлыда хайырланмай къоядыла. Ол тюзмюдю? Аны юсюнден врач Махийланы Танзиля айтады: