Календарь событий

Бюгюннгю хапарым жашау берген  насып,къыйынлыкъ да бирге жюрюргенлерини юсюнденди. Тюз сайлау этсенг окъуна, низамлы, адепли болсанг да, насыплымы – насыпсызмы боллукъса, белгисизди.  Аналаны  айтханларын, ала юйретгенни бир -бир сабийле  сансыз этип къоядыла. Артдан а кеслери атала  эм анала болгъанларында, ангылайдыла терсликлерин, кеч болады ансы. Аналары  жашаудан кетгенден сора, аладан кечгинлик тилер  амаллары да болмай, кёплени жюреклери  кюйгенлей турады жашауда.  

Былтырны эсеплерине кёре Россейде жыл сан жетгени бла берилген пенсия орталыкъ ёлчемде 15,5 минг сомгъа жетгенди,  сакъатлыкъ эм жалчытхан адамны ёлюую бла байламлы уа 14,16 минг болгъанды. Ол кёпмюдю огъесе азмыды? Ким бла эм не бла тенглешдиргеннге кёре. СССР-ни заманларында бир юйюрча жашагъан республикала бла тенглешдириуню тюзюрекге санаргъа боллукъду. Материал «Аргументы и факты» газетде тинтиулеге кёре жарашдырылгъанды.

Адам улу бу дуниягъа Аллахуталагъа табыныр, анга баш урур ючюн жаратылгъанды. Аны юсюнден Къуранда былай айтылады: «Мен жинлени бла адамланы ала манга табыныр ючюн жаратханма» (С 61:56). Бу статьяда уа аллай табыныуну бир амалыны юсюнден айтыргъа сюебиз. Ол шёндюгю заманда унутула барады дерге да боллукъду – ауругъан адамны сурай барыу. Ислам алимлени асламы  аны сюннетге санайдыла, муслийман толтурургъа керекли иш болгъанын белгилейдиле. Башхалары уа борчха окъуна чыгъарадыла.

Хар юйге да огъурлу къонакъча кирсин!

Хурметли жамауат!

«Заман» газетге 2021 жылны биринчи жарымына жазылыу андан ары бардырылады.
Энди да сиз ана тилибизде чыкъгъан газетни алырсыз, окъурсуз, ол хар биригизни да эсли кенгешчигиз, керти хапарчыгъыз, огъурлу сёз нёгеригиз болуп турур деп ийнанабыз. Бу магъаналы жумушну болжалгъа салмагъыз!

Сабий оюнланы тюрлюлери

Таулу сабийле сюйюп ойнагъанладан бири «Бугъунуч» болгъанды. Анга алты-жетижыллыкъладан башлап къатышхандыла. Аны ингирден кеч къарангыгъа дери ойнайгъандыла.

Шимал Кавказ федерал округну стратегия эм  инвестиция жаны бла айнытыу департаментини таматасыны орунбасары  Сослан Абисалов  эм Россейни экономика айнытыу министерствосуну тыш жерле бла сатыу-алыу бардырыу академиясыны  (ВАВТ) тамата  илму къуллукъчусу  Мария Горячко Эки кюнлюк  командировка  бла Къабарты-Малкъарда болгъандыла. Аны юсюнден  КъМР-ни Экономика айнытыу министерствосуну пресс-службасындан билдиргендиле.

«Газпром газораспределение Нальчик» кёк отлукъ баргъан  объектлени 2020-2021 жыллада кюз эм  къыш кезиулеге  хазыр этгенди, деп билдириледи компанияны пресс-службасындан.    

Кёп болмай Москвада тёрели «Алтын кюз-2020»   битеуроссей агропромышленный  кёрмюч болгъанды. Анда  Къабарты-Малкъардан тёрт предприе   «Къумалы эм товар малчылыкъ жаны бла ахшы жетишимле кёргюзтгенлери ючюн» деген алтын майдаллагъа бла  бир ненча дипломгъа тийишли болгъандыла. Аны юсюнден  КъМР-ни Эл мюлк министерствосуну пресс-службасындан билдиргендиле.  

«Россети Шимал Кавказ» компанияны Къабарты-Малкъарда бёлюмю  къыш сууукълада  «Каббалкэнерго» энергокюч сетьледе аварияла болмазча   ишлени белгиленнген кезиуден алгъа толтургъанды. 

Жашауну барыуу, айныуу, анга жангы затланы сингдириу къайсы миллетни да харкюнлюк турмушун алгъадан башха жолгъа саладыла, аны оюмун, кёз къарамын кеслерине тапха бурадыла. Былайда хар зат да инсанны кесини къолундады дерге да боллукъду. Алай заманны, къадарны тюрлендирирге кимни кючю жетсин?

Аман тюшле 5-7 кюнден сора жангыдан кёрюнюрге боладыла. Алимле айтханнга кёре, ол мыйыны ишлеуюню энчиликлери бла байламлыды. Ала анга къайтарылып кёрюннген тюшлени ышаны  дейдиле.

Кёгетлени сакъларча жарашдырылгъан объектни къурулушу ахырына жете турады. Аны башлагъан «Агрохолод» компаниягъа займны Шимал Кавказны айнытыу  корпорация (КРСК) бергенди. Объект Бахсанда ишленеди эм анга 7 минг тонна продукция сыйынырыкъды. Аны юсюнден КРСК-ны пресс-службасындан Наталья Голянова билдиргенди.

Миллетибизни адабият дуниясы энтта да бир китап  бла байыкъланнганды. Бир ненча кесекден къуралгъан  «Унутулмасын халкъымы эсинде» деген  чыгъарманы автору  огъарымалкъарлы Бичиланы Османны жашы Хусейди.

Дунияда, баям, адам улуну эм къыйматлы ышаны - ол аны жандауурлугъуду, жанындагъылагъа къайгъыра, къыйналгъанлагъа себеплик тапдыра билиуюдю. Бизни къатыбызда, жарсыугъа, онгсузла кеслерине къараялмагъанла, къыйын жашау болумлагъа  тюшгенле да бардыла. Аллайлагъа болушлукъ этгенле уа, айхай да, хурметге тийишлидиле.

ITV/AxxonSoft  компания Россейде угъай, битеу дунияда да белгили фирмады, ол къоркъуусузлукъ системаланы жарашдырыу бла кюрешеди. Аны башламчысы, иеси да таулу жашды – Алтууланы Къазийни жашы Мурат.

Гёжеф Локияланы Жамболат грек-рим тутушууда болдургъан жетишимлери бла белгилиди. Аны биринчи уллу хорламы 2011 жылда Россейни кадетлени араларында биринчилигинде къытхан доммакъ майдалы эди. Эки жылдан ол къыралны юниор биринчиликлеринде кюмюш эм доммакъ майдалланы алгъанды.

Кёп болмай Москвада  «Сколково» технопаркда  «Ачыкъ инновацияла» деген тогъузунчу  халкъла аралы  форум болгъанды.  Быйыл ол биринчи кере онлайн  халда ётгенди. Анга  Къабарты-Малкъар къырал университетни келечилери да къатышып полимер материалла бла байламлы  къыйматлы инновация проектлерин кёргюзтгендиле.  Аны юсюнден бизге  вузну пресс-службасындан билдиргендиле.

Жолда сабийни басдырып, авария болгъан жерден къачып къутулгъан водитель 15 кюннге тутулгъанды. 51-жыллыкъ эр кишини солууунда  ичгини ёлчеми эркин этилгенден алты кереге кёп болгъаны тохташдырылгъанды.