Календарь событий

Къарачай-Черкес Республиканы Доммай тийресинде  "Болгъан затланы сакълай, келир заманны къурайбыз" деген  ат бла  регион  форум ётгенди. Тёрт кюнню ичинде баргъан форум  ёсюп келген тёлюню патриот ниетледе, ариу  къылыкълы  болуп жашаргъа кереклисине  эмда культура-жарыкъландырыу жаны бла юйретиуге  жораланнганды.

В.М.Коков атлы Къабарты-Малкъар къырал аграр университетни алим советини залында  республиканы бийик окъуу юйлерини  ректорларыны советини  жыйылыуу болгъанды. Аны ишине КъМР-ни  билим бериу, илму эмда жаш тёлюню ишлери жаны бла министрини къуллугъун толтургъан  Анзор Езаов да къатышханды.

Россейни  Сюд приставларыны Федерал службасыны  Къабарты-Малкъарда управлениясыны  башчысы  Бауаланы Ахмат  республиканы газетлеринде, телевиденияларында эмда радиода  ишлеген  журналистле бла  бу жолгъу тюбешиуюнде   гражданланы приёмгъа къалай аллыкъларын  эмда  ФССП-да электрон сервислени ишлерини юсюнден  айтханды.

«Билим бериу» къырал программалагъа кёре  эллени, гитче шахарланы, школларында къошакъ билим берген «Точка роста» араны  класслары  ачыладыла. Алада школчула жангы технологияла бла шагъырей боладыла,  арада цифралы  эм гуманитар ызлада билим бередиле.

Кёп болмай черек районда «Экология» миллет проектни чегинде бардырылгъан  «Таза суу» федерал  проектге кёре таза   суу баргъан быргъыланы жангыртып башлагъандыла, деп билдиредиле  муниципалитетни пресс-службасындан. Къашхатауда, Бабугентде, Бызынгыда эм Огъары Малкъарда да  суу ызланы тап халгъа келтирирге онг этиледи.

РФ-ни Пенсия фондуну Терк районда бёлюмюнде уруннган бир талай адамдан волонтёр къауум къуралгъанды, деп билдиредиле ПФР-ни пресс-службасындан.

Быйыл РСФСР-ни, КъМАССР-ни  искусстволарыны сыйлы къуллукъчусу Трувор Карлович Шейблер туугъанлы быйыл120 жыл толгъанды.  Жашаууну къыркъ жылдан артыгъын ол композиторлукъ ишге жоралагъанды, аладан жыйырма бир жылны Къабарты-Малкъарда. Кертиди, ол кезиуде битеу кючюн, билимин, фахмусун да аямагъанды малкъарлыланы бла къабартылыланы миллет макъамларын айнытыуда, ёсдюрюуде.  Композитор, педагог, фольклорчу, аны хайырындан республиканы халкъларыны эрттегили музыка хазналарыны асламысы сакъланнганды, биринчи музыка махкемелерибиз ачылып ишлеп башлагъандыла.

«КъМР-ни предпринимательствогъа себеплик этиу арасы»  регион фондда онлайн халда «Къыйын кезиуледе бизнесни гитче тюрлюлерин айнытыу» деген ючюнчю конференция бардырылгъанды. Анга республикада гитче эмда орта предпринимательство бла кюрешгенле къатышхандыла, деп билдиргендиле КъМР-ни Бизнес-инкубаторундан. Бу ишге регионну Экономиканы айнытыу министерствосу да билеклик этгенди.

Къая башында суратда не болгъанын сизге билдирирге излей, къолума къалам алгъанма, деп жазгъан эди 2014 жылда бизге аты айтылгъан журналист Атталаны Анатолий (жаннетли болсун). Ол бу суратны юсюнден хапарлай эди, аны оюму жомакъгъа ушай эсе да, алай энчи оюмча жюрюрге эркинлиги болур, бютюнда Анатолийни сёзлерине бу сурат шагъатлыкъ этгенин эсге алсагъ а.

Къабарты-Малкъарны Эл мюлк министерствосу «Халкъла аралы кооперация эм экспорт» миллет проектни чегинде  «Агропромышленный комплексни  продукциясыны  экспорту» программагъа  кёре эл мюлк жерледе мелиорация ишлеге субсидияла  берирча документлени алып башлагъанды. Аны юсюнден ведомствону сайтында билдиредиле.

Школда сабийлерине ана тилни окъургъа сюйгенле аздыла, аны билим бериу программадан кетерирге керекди, билирге, сёлеширге излегенле  юйюрлеринде окъусунла дегенде уа кёпден-кёп болуп барадыла. Ол  бизнича аз санлы миллетлеге уллу къоркъууду. Алай исламда уа миллет тилге кёз къарам къалайды? Аны юсюнден бизге   КъМР-ни муфтийини болушчусу Отарланы Хызыр хажи айтады:

Бир кюннге республиканы эки инсаны хыйлачылагъа кеслерин алдатып, 161,5 минг сомларын тас этгендиле.

Бийни юй адамы ауушханыны хапары сау ауузгъа жайылып, кими атлы, кими жаяу болуп, аны арбазына узакъдан-кенгден, жууукъдан да жыйылдыла. Ол огъурлу, къыз сыфаты бузулмагъан бийчени алай кетгени жашау мардагъа сыйынмагъан чюйреликча, терсликча кёрюндю аны таныгъанлагъа.  Бийни энди жете келген эки жашы аталарындан арлакъда сюелип, мудах къарап турдула тёгерекге.

Автобус сакълап тургъан жерибизде танышым бир тиширыу бла саламлашды. Жыл саны эллиден атлагъан, жарыкъ мангылайлы адам. Арада эки-юч такъыйкъа озгъан болур эди, бизни къатыбызгъа бир эр киши келди да, ол да бизни бла жарыкъ саламлашды. Нёгерим шуёху, танышы кёп болгъан, тенглик, жууукълукъ да жюрюте билген адамды да, сейир этмедим. Ол эр кишини уа таныдым.

Сюймекликни жашлыгъы, къартлыгъы да, барлыгъы, жокълугъу да акъылгъа келишмейдиле. Бар эсе, къайры кетеди? Жокъ эсе, нек къыйнайды? Нек жиляйды жангыз адам, къабыргъагъа айланып, бетин букъдуруп? Бирде саулай дуния излеген, къадар барыбызгъа да жетишдиралмагъан сюймеклик, туууп, къозгъап, артда кишиге керек болмай къалады. Андан ажымлы не болур? Бир уллу терслик барды анда.

Эм алгъа адамла чурукъланы бир мурат бла жарашдыргъандыла, кийгендиле – аякъланы сууукъдан эм жараладан сакъларгъа. Алай къыйын ёмюрле ётгенден сора, кийимленича, чурукъланы да борчларына дагъыда талай излем къошулгъанды.

Орус география обществону «Альтаир» жаш тёлю клубуну башчысы Мокъаланы Тенгиз айтханнга кёре, бюгюнлюкде Къабарты-Малкъарны Бахсан ауузунда краеведле къаялада табылгъан суратланы тинтиу бла кюрешедиле.