Календарь событий

31 июля 2020

Мухаммад файгъамбар хаж ненча кере къылгъанды?

Мухаммад файгъамбар, Аллахны саламы анга болсун, Меккадан Мединагъа кёчгенден сора хажны бир эмда гитче хажны (умра) тёрт кере къылгъанын айтадыла ислам алимле. 

Кизиловкада сатыу-алыу деген боллукъ тюйюлдю

Нальчикчиле, тёгерекдеги элледе жашагъанла да биледиле Долинскеде жюн базарны бирси жанында Кизиловка къаяны башына элтген жолчукъ (терренкур) эрттеден бери болгъаныны, ары кюн сайын аслам адам жюрюгенини юсюнден. Алгъаракъда шахарны мэриясы аны тапландырыргъа умут этип, аны юсюнден адамланы оюмларын соргъанды. Бу ишни шахарны айнытыу «Арт-зал «Платформа» деген институт бардыргъанды.

Къурман этген адам Аллахуталаны аллында халаллыкъны, чомартлыкъны кёргюзтеди

Быйыл битеу дунияда да муслийманла сыйлы Къурман  байрамны 31 июльда белгилейдиле.  Бу кюнню магъанасы артыкъда теренди. Ол Аллахха сюймекликди, анга бойсунуу, табыныу, баш уруу, ийнаныуду. Къурман  адамны ич дуниясы ариуланнганыны, жюрегинде таза ниетле хорлагъаныны, игиликни, мамырлыкъны белгисиди. Аны юсюнден бизге Хасания элни иймамы Мисирланы Тимур хажи айтады:

Къаныгъызны басымын чёкдюрюр амалла

Жаз башы, жауунла, кюн, къан басымны терк тюрленнгени, табийгъатда кибик, адамны башында да… Врачла хар биригиз къаныгъызны басымын  билирге керексиз деп, бек къаты айтадыла. Ол бийигирек эсе (130/85), аны чёкдюрюрге тийишлиди. Бек биринчи уа  аш-азыкъны юсю бла. Гипертониклеге бу жорукъла жараргъа  боллукъдула:

Коллекторла тынчлыгъыгъызны алгъан эселе…

Борчлары болгъанлагъа коллекторла сёлешип башлагъанлары бюгюн кимге да сейир тюйюлдю. Аллай болумгъа алгъаракълада эки нёгерим тюшгендиле. Аланы терсликлери болмагъанларын да айтыргъа тийишлиди. Бирине банкга тёлеген ахчасы заманында жетмегени ючюн пеня жазылып тебирегенди. Банк а аны алыргъа коллектор организациягъа эркин этгенди.

Чемерликден, чомартлыкъдан да къуру болмагъан Исса

Бир жол Нальчикде концерт залладан биринде жырны байрамы бара эди. Анда белгили артистлерибизге, адамларыбызгъа Быллым элден Къудайланы Исса кимине къамичи, кимине гоппан,  ариу ишленнген мюйюз, дагъыда башха затладан саугъала бере эди. Ол заманда аны бла танышыр онг тапмагъанма.

«БЕК АХШЫ, ЭТЕРБИЗ...»

Солтанбек районланы биринде секретарь болуп ишлегенли бир-эки жыл болады. Адетде болгъаныча, бюрону болсун, пленумну болсун жыйылыуларын кезиуюнде бардырады. Сёлешгенине тынгыласанг, не къыйын борчну да толтурургъа бу адамны къолундан келликди дерчады. Бир бирде мардадан оздурурча хыны сёлешген заманы да болуучуду. Ким биледи, иш – аслам, къуллукъчуланы тюрлю-тюрлюлери кёп жерде алайсыз да бола болмаз.

Къыйынлыкълагъа, сынаулагъа да къарамай, Аллахуталагъа ышаныргъа, анга ийнаныргъа кереклисине юйретгенди

Мухаммад файгъамбар, Аллахны саламы анга болсун, сабийлени бек сюйгенини, алагъа сакъ болгъаныны юсюнден хадиследе кёп кере айтылады. Ол балаланы кесиникилеге бла башха тукъумнукъулагъа юлешмегенди, барысын да Аллахуталагъа сюймекликге, ата-аналарына хурмет этерге бирча юйретгенди.

«Хар адамны сыфаты жашау халыны кюзгюсюдю»

Ариулукъ  кюнден кюннге  тюрлене тургъан затды. Ариу тиширыудан сейирлик, кёзню къууандыргъан зат дунияда жокъду. Алай учуп баргъан кюнле, айла, жылла чырайлы бетде кетмезлик ызла къоядыла, аны алгъын сыфатын тынч-тынч къурута. Абаданланы жаш заманларында тюшген суратларына къарагъанынгда, бир-бирде «Бу сизмисиз?»-деп къояса. О, заман, заман! Заманны бир кесекчикге окъуна алдаргъа бармыды амал? Аны юсюнден косметолог Гайыланы Света бла  ушакъ бардыргъанбыз.

 

Ахчаны борчха бергенде сакъ болугъуз

Бир тюрлю сылтау бла борчха ахча излерге, берирге да тюшеди. Алай аны артха алгъан а бир-бирде къыйын болуучуду, бютюнда сёз уллу ахчаны юсюнден бара эсе. Аны ючюн юристле борч бергенде, расписка жарашдырыгъыз деп юйретедиле. Къаллай кезиуледе расписканы юридический кючю болгъаныны, аны къалай жазаргъа кереклисини юсюнден бизге юрист Азамат Тохов айтханды.

«Улутхачыланы асыгъыз!»

Майданлада асмакъла - ол жахилликди,жаныуар кюйсюзлюкдю. Алай Россейде долларланы миллионла бла урлагъаннга 2,5 айны тюрмеде турургъа оноу чыгъара эселе, халкъыбыз аллайланы Ирандача жууапха тартыуну тап кёрмезми?
 

Майскийде школгъа ремонт этиледи

Май районда келир окъуу жылгъа хазырланыу барады. Школланы кёбюсюнде сюртюу-бояу ишлени бардырадыла, бирлеринде уа хар нени да тамам этип бошагъандыла. Аслам жумуш а Майский шахарны онунчу номерли орта школунда этилирге керекди, деп билдиргендиле районну администрациясыны пресс-службасындан.

«Къарыулуну жюреги кючлю хорлайды»

Фахмулу, атларын айтдыргъан, тенглерине юлгю болгъан жаш адамларыбыз бла окъуучуларыбызны газетде дайым танышдыргъанлай турабыз. Бюгюн а бизни къонагъыбыз Аппайланы Владимирни бла Махийланы Фазилятны къызлары Залинады. Жашлыгъына  да къарамай (23 жылы толгъанды), Залина дзюдода уллу жетишимлеге жетгенди: талай жыл мындан алгъа ол кесини ауурлугъунда Россейде эм кючлю болгъанды, кесин Европаны кубогунда да «доммакъны» алгъанды. Кёп болмай а  «Динамо» спорт обществону биринчилигинде – экинчи, СКФО-ну биринчилигинде уа биринчи жерлени да алгъанды.

Даражалы билим бериу арада кураторлукъ этеди

КъМКъУ-ну педагогика, психология эм физкультура-спорт институтуну студенти Виктор Кирпа  быйыл жайда Сочи шахарда фахмулу сабийлеге деп къуралгъан даражалы «Сириус» билим бериу арада ишлейди. Аны вожатыйныча уллу сынамы барды, ол СКФО-да студентлени арасында команданы кураторуна сайлауланы ётгенледен жангызды. Алай бла жашны спорт, илму, искусство ызлада 500 фахмулу школчуланы бирикдирген июльдагъы программагъа чакъыргъандыла.

Элине, халкъына къууат берген Сахай

Халкъ сюйген адамларыбызны эсде тутуу бизге, саулагъа, борчду. Хар кёзден кетген кёлден кетерге керек болмаз.

Къайнар керек тюйюлдю…

Къайнар суусап ёнгечде (пищевод) рак аурууну къозгъаргъа боллукъду. Аллай билдириуню бу аурууну тинтген халкъла аралы агентство этгенди (МАИР). Бу бек магъаналы организацияды, Саулукъ сакълау жаны бла битеудуния организацияны (ВОЗ) къауумуна киреди, канцерогенлени тизмесин да ол жарашдырады.