Календарь событий

«Машук» жаш тёлю форумгъа къонакъгъа россейли журналист эм телеведущий, «Биринчи каналны» корреспонденти Дмитрий Кулько келгенди. Ол студентлеге журналистиканы эм федерал каналда кесини ишини юсюнден хапарлагъанды.

Къозла жюрекге хайырлы битимледен бирине саналадыла, дегенди саулукъ сакълау биригиуню Гарвард школунда медицина илмуланы доктору Марта Гуаш Ферре. Аны юсюнден «Газета.Ру» билдиреди.

Китап окъугъандан сора кёзлеригизге зыгъыр къуйгъанча эсе, къургъакъ хауа болгъан отоуда ала къызара эселе, аязда жилямукъла къуюла эселе, ол «къургъакъ кёз» деген аурууну, илму тилде уа анга къургъакъ кератоконъюнктивит дейдиле, белгисиди.

Х.М. Бербеков атлы Къабарты-Малкъар къырал университетни  педагогика колледжини  студенткасы Алина Кушхаунова «Жаш профессионалла» сегизинчи миллет чемпионатны (WorldSkills Russia) 2020   профессионал усталыкъ эришиуюнде «Гитче класслада окъутуу» ызда сайлауланы эсебинде финалгъа чыкъгъанды. «Школгъа дери билим бериу» сайлауда эсепле сакъланадыла.

Уллу Хорламны солдатлары

Ижаланы Махайны жашы Абдулла  аскерге 1941 жылда чакъырылгъанды. Прохладный шахарда пулемётчуланы курсларын бошагъанды. 1942 жылда февральдан октябрьге дери Пензада аскер заводну боеприпасла чыгъаргъан 22-чи цехинде уруннганды. Предприятияда асламысында тиширыула бла къартла ишлегенлери себепли Ижа улугъа бла аны нёгерлерине бек къыйын эмда жууаплы ишлени толтурургъа тюшгенди. Ала кече, кюн да цехде тюйюлгендиле. Абдулла заводха тюшген биринчи кюнден окъуна аны фронтха жиберирлерин тилеп тургъанды.  Аны тилеги жаланда 1942 жылда октябрьде толтурулгъанды. Фронтха кетерни аллында уа мараучуланы курсларын да ётгенди.  

Чыпчыкъланы Магометни жашы Борис 1948 жылда Къыргъызда туугъанды. Андан жазгъанды ол хапарларыны бирини аллында «Аталарыбыз алгъын биз туугъан жерде жашай эдиле, энди уа биз аталарыбыз туугъан жерде жашайбыз», – деп.

Къартаяма деп къоркъмай, кюнде къаллай бир заманны турургъа жарайды деген соруу арыкъ болур ючюн  не ашаргъа керекди дегеннге ушайды. Быллай оюмгъа алим, биомедицина технологияла эм къартлыкъны генетикасы жаны бла эксперт, «Илму жашауну кёбейтир ючюн» фондну вице-президенти Юрий Дейгин келгенди. Ол адамны чархы кюнде кюйгенни къалай кётюргенини юсюнден ахыр илму-медицина эсеплени  радиода «Охотники за мифами» деген бериуде келтиргенди.

Республикада эл мюлк жерле не халда болгъанларын билир умутда Россельхознадзорну КъМР-де Референт арасыны специалистлери дайым тинтиуле бардыргъанлай турадыла. Бу ишни кезиуюнде топуракъдан пробала алып, лабораторияда тюрлю-тюрлю кёрюмдюлеге тинтедиле.

КъМР-ни профсоюз организацияларыны биригиуюнде алгъаракъда интеллект оюн бардырылгъанды. Бу иш Мадина Табухова къурагъан «Жаш тёлю клуб «Оюнда интеллект» деген проектни чеклеринде болгъанды, деп билдиргендиле Къабарты-Малкъар къырал аграр университетден.

Россельхознадзорну Къабарты-Малкъар Республикада управлениясы ууакъ малла тутханлагъа, къойла эмда эчкиле жукъгъан чечек ауруу бек къоркъуулу болгъаныны юсюнден эсгереди. Ведомствода айтханларына кёре, быйыл Россей Федерацияда бу ауруу эки регионда ачыкъланады: Псков эмда Иванов областьлада. Былтыр а Москва, Тверь, Псков эмда Воронеж областьлада онюч шарт тохташдырылгъан эди. Насыпха, Къабарты-Малкъарны тийреси быллай чечек жаны бла къоркъуулугъа саналмайды. Управление бардыргъан тинтиуле анга шагъатлыкъ этедиле. Алай дагъыда аурууну юсюнден билсе уа игиди.

Бу кюнледе  «Сады Баксана» биригиуде алманы «Гала»  тюрлюсюн  жыйып башлагъандыла. Орта эсеп бла алып айтханда, быйыл  андан  1800 тонна алыр муратлыдыла, деп билдириледи Бахсан муниципал районну пресс-службасындан.  

Хасаниядан Жангоразланы Алий кёп сейирлик ишлеге къатышханды. Ол Сочиде Олимпиада оюнлада, «Формула-1» эришиуде, футболдан дунияны чемпионатында эм талай башха даражалы турнирледе волонтёр болгъанды. Алий Къабарты-Малкъар къырал университетни Туризм эм сервис факультетин тауусханды, юридический жаны бла да билим алгъанды. Бизни бла ушагъында ол кёрген сейир затларыны, быллай уллу эришиуле къалай къуралгъанларыны юсюнден хапарлагъанды.

Кёп болмай КъМР-ни къурулуш эмда жашау журт – коммунал мюлк жаны бла министри Альберт Бербеков Нальчикни 52-чи эм 19-чу  номерли садиклерини  мурдорларында гитче къауумлагъа  ишлене тургъан яслилени къурулушлары  бла  шагъырейленнгенди. Ол эки объекте да ишле графикден иги да алгъа баргъанлары эмда качестволу тамамланнганлары ючюн ыспас этгенди.

Спорт бла кюрешген жашларыбызны, къызларыбызны хорламларын кёрсек, айхай да, къууанабыз. Алай хорламлагъа жол а тынч тюйюлдю – кёп затха чыдаргъа, къуруда чыгъа тургъан чурумлагъа къарамай, алгъа барыргъа керекди. Насыпха, миллетибизде аллай адамларыбыз кёпдюле. Аладан бири  Алтууланы Магометни бла Гадийланы Ануарны къызы Клюзаны жашлары Асланды.

Уллу юйюр болуп жашагъан – ол игимиди?. Бир жанындан алып къарагъанда, ата-бабаладан келген тёре барды:  келин эрини юйюрю бла жашайды. Алай шёндюгю жаш адамла ол тёреге артыкъ бойсунмайдыла.  Онгу болгъан, кесине базыннган юй ишлеп  неда фатар алып айырыладыла. Алай  шёндюгю экономика халда къарыусуз жашагъанланы  саны ёсюп барады, хар жангы къуралгъан юйюрню энчи жашаргъа онгу жокъд.,  Эки тёлю бирге келишип турурча уллу хунерлилик керек болад