|
Календарь событий
27 марта 2020
27 марта, 2020 - 09:05
Кёп болмай Къабарты-Малкъар Республиканы экономиканы айнытыу министри Рахайланы Борис, «КъМР-ни айнытыу корпорация» акционер обществону башчысыны къуллугъун толтургъан Чочайланы Ахмат бла Прохладна районда «Отбор» агрофирмада болгъандыла. Ала «СКФО-ну 2025 жылгъа дери айнытыу» къырал программаны чеклеринде бардырылгъан урлукъну игилендириу араны иши бла шагъырейленнгендиле.
27 марта, 2020 - 09:05
Къарачай-малкъар тилни лексика байлыгъын хайырланып, бизни ата-бабаларыбыз кёп фразеология айланчла къурагъандыла. Ала, нарт сёзлеча, бизни жашауубузгъа терен киргендиле. Филология илмуланы кандидаты Жарашыуланы Зайнаф, Чыпчыкъланы Къоналийни къызы, аланы бирге жыйып, ангылатма сёзлюк жарашдыргъанды. Сизни аны бу аламат къыйыны бла шагъырей эте барыргъа сюебиз.
27 марта, 2020 - 08:19
Уллу Хорламны 75-жыллыгъына
Аны республикада кёпле таный эдиле (дуниясын алышханды, жаннет ахлусу болсун). Педагогика илмуланы кандидаты, бир талай жылны КъМАССР-ни жарыкъландырыу министерствогъа башчылыкъ этгенди. Урушну ветеранларыны Нальчик шахар советини таматасы болуп да ишлегенди. Жамауатны арасында намысы-сыйы жюрюген адам эди. Нальчик шахарны сыйлы инсаны деген атны да бош атамагъан эдиле анга.
27 марта, 2020 - 08:19
Къабарты-Малкъарны Транспорт эмда жол мюлк министерствосу коронавирус (nCov-2019) жугъаргъа къоркъуулу кезиуде жамауатны бютюн сакъ болургъа чакъырады. Аны бла бирге аслам адам олтургъан улоуладан эсе маршруткаланы хайырланыргъа эм резин къолкъапла киерге кереклисин да эсгертеди, деп билдириледи ведомствону сайтында.
27 марта, 2020 - 08:19
Къабартылы халкъны белгили адамларын санай кетсенг, Борис Мазихов Бесланович ол тизмеге киргенледенди. Аны атын, тукъумун республикада кёпле биледиле. Жаш заманындан да ол жазыу иш бла къаты кюрешип келеди. Хапарла, романла, тамсилле, повестьле, пьесала жазгъанды.
27 марта, 2020 - 08:17
Кёчгюнчюлюкню хатасындан къаллай бир таулу юйюр къайда не болгъаны билинмей къалгъанды. Аладан хар бирини къадары халкъыбызны тарыхын ачыкълагъанчады. Бюгюннгю хапарыбызда биз Хасанияда жашагъан Тежаланы Блюханы эсгериулерине таянырыкъбыз. Ол кёлю да тола, алай ушакъ эте эди…
27 марта, 2020 - 08:17
Къудайланы Чукайны жашы Керим Яникойну орта школунда отуз жылдан аслам заманны урунады. Сабийлени кёп тёлюлерин физкультурадан юйрете, аланы саулукъларына, айныуларына къайгъыра ишлейди, уллу сынамлы устазларыбызданды. Бюгюн ол бизни ушакъ нёгерибизди.
27 марта, 2020 - 08:17
Къабарты-Малкъар къырал университетде Отарланы Керим атлы малкъар маданият ара кесини къуралгъан кюнюнден башлап бюгюнлюкге дери таулуланы культураларын айнытыугъа уллу эс бурады. Араны баш борчу жаш тёлюню арсында адет-тёрелерибизни, ата-бабаларыбыздан къалгъан къыйматланы сакълауду.
27 марта, 2020 - 08:12
Суу байлыкъланы Битеудуния кюнюню аллында РусГидро компанияны Къабарты-Малкъарда бёлюмюню келечилери Къашхатауда орта школда энчи дерс бардыргъандыла. Анда окъуучулагъа сууну магъаналылыгъыны юсюнден кёп сейирлик хапарла айтылгъанды, деп билдиргендиле бёлюмню пресс-службасындан.
27 марта, 2020 - 08:12
Кёп болмай КъМР-ни Правительствосуну Председателини орунбасары Муаед Кунижев бла Нальчик шахар округну администрациясыны башчысы Таймураз Ахохов «Къоркъуусуз эмда тынгылы автомобиль жолла» деген миллет проектни чеклеринде Киров орамда ремонт ишле къалай баргъанлары бла шагъырейленнгендиле, деп билдириледи мэрияны пресс-службасындан.
27 марта, 2020 - 08:12
25 жыл мындан алгъа, 1991 жылны 19 августунда, президент Михаил Горбачёвну къуллугъундан кетерип, СССР-да властьны ГКЧП алгъанды. Бу жаз «Комсомолка», биринчи болуп, Вашингтонну совет генсекни 85-жыллыгъына этген сейир саугъасыны юсюнден жазгъанды: ЦРУ Горбачёвну осал жанындан кёргюзтген документлени ачыкъ этгенди, деп билдиредиле «Комсомольская правда» газетде.
27 марта, 2020 - 08:12
Шёндю заман, адамла да тюрленнгендиле. Огъурсуз, къутсуз жумушла асыры жайылгъандан, бирде кесинги тыялмай, ачы сёлеширге, бирлеуленни сёзюн этерге да тюшеди. Алай Аллахуталаны аллында ол уллу гюняхладан бириди. Аны юсюнден бизге «Ислам в Евразии» газетни баш редактору, Аль-Азхар университетни бошагъан Аккайланы Хасим хажи айтады:
27 марта, 2020 - 08:11
Холамханланы Анатолий Къашхатауда от тюшюуге къажау 8-чи номерли бёлюмде 30 жылдан аслам ишлеп, адамланы жанларын, саулукъларын сакълагъанды, ырысхыларын къутхаргъанды. Ол от тюшюуге къажау службагъа 1985 жылда келгенди. 33 жылны ичинде от ёчюлтюучюню усталыгъына кертичи болуп, аны сайлагъанына бир кере да сокъуранмагъанды. Бу къуллукъда уа анга профессионал сынауун, жигитлигин кёргюзтюрге кёп кере тюшгенди.
27 марта, 2020 - 08:11
Кёп болмай Битеуроссей халкъ фронтну (ОНФ) Къабарты-Малкъарда келечилери волонтёрла бла тюбешиу бардыргъандыла эмда коронавирус ауруу жайылыргъа къоркъуулу кезиуде кеслери жашагъан абаданлагъа бла сакъатлагъа болушлукъ тапдырыргъа юйретгендиле. Тюбешиуде республикада «Саулукъ сакълау» проектни бардыргъан, «Волонтёры-медики» битеуроссей къымылдауну бёлюмюню таматасы, волонтёр штабны башчысы Залина Кушхова жаш коллегаларына мастер-класс бардыргъанды эмда берген сорууларына жууаплагъанды.
27 марта, 2020 - 08:09
Белгилисича, жукъу саулукъну мурдоруду. Алай андан сора биз не зат билебиз жукъуну эмда тюшлени юслеринден? Бюгюн бизни ушакъ нёгеребиз Кардиология араны поликлиникасыны кардиологу Жанатайланы Людмилады.
|