Календарь событий

29 января 2020

Сабийни акъылын, жюрегин ангылар жолла бардыла

Мен университетден сора бир талай жыл школда ишлеген эдим. Ол жыллада бла шёндюгю школну тенглешдиргенде, кёп зат тюрленнгенди. Биринчиден, алгъын  устазланы отчётла бла бусагъатдача къыйнамай эдиле. Жарсыугъа, энди хар сабийни билими атасыны-анасыны къайгъырыуу болуп къалгъанды. Къылыгъы–ызы да алай. Барыбызгъа да белгилиди жашауну ёзеги, тутуругъу да юйюр болгъаны, анга кёре уа къыралны да. Юйюр иги эсе, къырал да игиди, юйюр кючлю эсе, къырал да кючлюдю.

Буюрулмагъан сюймекликни жыры

Хапармы, таурухму, жырмы, жомакъмы, къайсы болса да хар бирини кесини тарыхы, къадары барды. Дуния жарыгъын кёргенден сора уа ала, аууздан ауузгъа кёче, жер кёре айланнган жолоучу кибик, тёлюден - тёлюге ёте барадыла.

Бу жол Ирина Бекуловагъа жетген болмагъанды

Кёп болмай Къабарты-Малкъар къырал университетде «Мисс КБГУ -2020» деген тёрели  конкурс бардырылгъанды.   Тиширыуну ариулугъун, билимин, къылыгъын,  фахмусун  ачыкълагъан  эришиулеге бу жол право, экономика эм философия, жангы гуманитар, финансла эм  менеджмент институтну, медицина эм педагогика колледжлени келечилери, саулай  алты къыз    къатышханды.

Пансионат жангы излемлеге келиширикди

Аушигерде Совет Союзну заманында ишленнген бир  атлы  пансионат иги да тозурагъанды. Болсада келир эки жылда ол жангыртылып, бюгюннгю излемлеге келиширча этилликди, деп билдириледи Черек муниципал районну администрациясыны пресс-службасындан. 

«Кюнлени арасында эм иги, аламат байрымды»

 Муслийманлагъа  байрым кюн энчи болгъанын барыбыз да билебиз. Алай ыйыкъны ичинде ол нек сайланнганды? Башхаладан айырмалы эсе, аны къалай ётдюрюрге тийишлиди?  Бу соруугъа жууапны «Ислам в Евразии» газетни баш редактору - белгили ислам университет «Аль-Азхарны» бошагъан Аккайланы Хасим хажи береди:

Аскер – эр кишини ишиди

Уллу Хорламны 75-жыллыгъына
Байрамукъланы Закерияны  жашы Умаргъа Уллу Ата журт уруш башланнганда 17 жыл энди толгъан эди.   Ветеран  сермешле бла Кавказдан Европагъа, Берлиннге дери жетгенди, ауур жаралы да болгъанды.

Таш бла урсанг, бирде гыржын бла къайтады

Кичи жашы юйдегили болама дегенинде,  Жаннет ол сайлагъан къызгъа бюсюремеди.
-Сени кёзлеринг бармыды? Не эгечи, къарындашы жокъ, атасы да ёлюп, бир харип. Санга таянчакъ болурча тынгылы юйюр керекди. Сен сайлагъан а неге ушагъан  затды? Анасы, кеси да алыннган тауукълагъа ушайдыла. Унут  аны.

Ёлгенни асырау бла байламлы уллу къоранчла этилмезча

Кёп болмай Къабарты-Малкъарда жашагъан биреулен  Instagram – социал сетьде ёлюкню асырау бла байламлы  уллу къоранчла этилгенин айтып, жарсып жазгъанды. Анда жыл санлары келген  уллайгъанла  пенсиячыкъларын ёлюр кюнлерине деп жыяргъа кюрешгенлери,  аны хатасындан саулукъларына тийишлисича къараталмагъанлары эм  толусунлай коммунал    налогларын да тёлеялмагъанлары да  сагъынылады.  Ол себепден, автор  болумну тюзетирча, керексиз уллу къоранчла этилмезча, аны  закон  бла чеклендирирге  кереклисин  белгилейди. 

Энергетикле медиклеге, спортчулагъа, окъуучулагъа да болушадыла

РусГидро компанияны Къабарты-Малкъарда бёлюмюнде былтыр жандауурлукъ жаны бла этилген ишлерини эсеплерин чыгъаргъандыла. Андан билдиргенлерича, ол кезиуде онтёрт организациягъа болушлукъ бергендиле. Дагъыда сабийлеге эмда жаш тёлюге деп талай экология-жарыкъландырыу жумуш тындыргъандыла, тийишли акцияла да бардыргъандыла. Аны барына да юч миллиондан аслам сом къоратылгъанды.

Чегем тарында

Бир жол редакцияда ишлеген Османланы Хыйса,  къарындашла Мамашлары бла биз Чегем ауузунда Думалагъа  барабыз. Бусагъатда анда адам жашамайды. Анда къошла бардыла. Ариу тала, кюн тийип, жарыкъ. Кюз арты болгъанына да къарамай,  жылыды. Анда иги кесек сурат да алып, тёгерекде айланып, ол табийгъат тамашалыкъгъа да къарап къайтханбыз. Андан сора уа Мызыланы Исмайылны Чегем ауузуну юсюнден илму иши бла да шагъырейленнгенме. Аны бла газет окъуучуланы дагъыда бир кере  шагъырей этебиз.

«Сабий сад не жаны бла да гитчелени айнытхан ара болургъа борчулуду»

Арт кезиуде билим бериуде тюрлениуле бола, жангычылыкъла кийириледиле. Мектепге дери окъутуугъа да энчи эс бурулады.
Бабугентни «Чынарчыкъ» сабий садыны башчысы Асанланы Танзиля да жашчыкъланы бла къызчыкъланы  айнытыугъа аслам заманны юлюшюн къошуп келеди.  Биз аны бла ишини юсюнден ушакъ этгенбиз.

Жолчула дайым сагъайыудадыла

Автомашина жоллагъа къарагъан «Кавказ» Управленияда регионда къар аслам жаууп башланырына дайым хазырдыла. Ведомствода ышандыргъанларыча,  анга деп туздан бла юзмезден аслам къыстырыкъ этгендиле, ГИБДД, МЧС, МВД, Гидрометеорология ара бла да кече-кюн байламлыкъда ишлейдиле.

Къыш чырмау тюйюлдю

Республиканы жолларын  тапландырыу эмда тийишли излемлеге келишдириу ишле къыстау барадыла. КъМР-ни  тийишли  Управлениясындан билдиргенлерине кёре, подряд организацияланы  специалистлери Хасания - Герпегеж  жолну бир-бир жерлерин кенгертиу эмда жанларын тазалау бла кюрешедиле. 

«Студент десантны» кезиулю жолоучулугъу

Элбрус районда регион колледжни окъуучулары «Студент десант» акцияны чеклеринде элбрусчу полициячылада къонакъда болгъандыла. Биринчиден, жаш адамлагъа мекямда экскурсия къуралгъанды. Алагъа полициячыланы ишлерини энчиликлерини юслеринден айтхандыла, МВД-ны системасында вузлада билим алыргъа онг болгъанын да ангылатхандыла.

Жамауат организацияланы ишлерин игилендирир умутда

«Иш кёллю Россей» жамауат организацияны Къабарты-Малкъарда бёлюмю бла «Единая Россия» партия жанлы болгъанланы республикада регион советини  Граждан башламчылыкълагъа себеплик этиу арасы  келишим къурагъандыла. Документге организацияны башчысы  Юлия Пархоменко бла сагъынылгъан Араны келечиси Ирина Кишукова бу кюнледе къол салгъандыла, деп билдиргендиле «Иш кёллю Россейни» жер-жерли бёлюмюнден.

АТА ЖУРТ УРУШНУ ЗАМАНЫНДА

                                                                        Уллу Хорламны 75-жыллыгъына
Ата журт урушда этилген, тарыхда аныча болмагъан жигитликни юсюнден эсгериуле Уллу Хорламгъа юлюш къошхан поэтлени назмуларында жашайдыла. Урушха 1215 жазыучу кетгенди, аланы 400-ден асламы, къыралыбызны къоруулай, жоюлгъандыла.

Бурунгулула окъала бла нени юсюнден хапарлагъандыла?

Жашауунда кюн сайын бир жангы зат билген адамгъа насыплыды дерчады. Бюгюнлюкде халкъыбызны тарых байлыгъын, аны къуралыуу къалай болгъанын тохташдырыу, ачыкъланнган затланы да кенг жайыу керек жумушладан бириди. Аны магъаналыгъын ёсюп келген тёлюге ангылатыу а абаданланы борчларыды. Сёз ючюн, малкъарлыланы миллет кийимлерини юсюнден айта, энчи да тиширыула кийген жыйрыкъланы, аладагъы сейир окъала не себепден эм къалай бла сайланнганлары бек сейирди. «Мой дом Эльбрус» деген китапда аны юсюнден тынгылы информация барды. Аны автору Залийханланы Михаилгъа ыспас этерчады.