Календарь событий

   Къабарты-Малкъарны Саулукъ сакълау министерствосуну Консультация-диагностика медицина арасында жангы жылдан башлап паллиатив болушлукъ этген бёлюм ишлеп тебирерикди. Анда къыйын ауругъан адамлагъа багъарча реанимация бла жатдырыргъа 15 жери боллукъдула, деп билдиргендиле ведомствону пресс-службасындан.

   Санкт-Петербугда кикбоксингден «XXI КУБОК ПЕТРА» деген ат бла тёрели эришиу болгъанды. Аны Россейни бла шахарны спортну бу тюрлюсюнден федерациялары, Санкт-Петербургну физкультура эм спорт комитети къурагъандыла. Турнирни мураты жаш адамланы саулукълу жашау бардырыргъа кёллендириу, кикбоксинг бла кюреширге итиндирир, къыралны регионларыны араларында спорт байламлыкланы кючлеу эди.

   Кириши шахарда дзюдодан Ленинград областьны губернаторуну кубогу бардырылгъады. Анга къыралны 20 регионундан 100-ден аслам спортчу къатышхандыла.
Эришиуде бизни республикадан юч дзюдочу майдалла къытхандыла. Адам Шогенов – экинчи, Рустам Гереков бла Тамбийланы Аслангерий а ючюнчю жерле бла къайтхандыла.

   Нальчикде «Универсальный» спорт комплексде самбодан бла аскер самбодан Россейни чемпионатына айырыу эришиуле болгъандыла. Алагъа СКФО-ну битеу регионларындан 338 спортчу къатышхандыла. Турнир эки кюнню ичинде бардырылгъанды, алгъа гёжефле аскер самбода сынашхандыла, экинчи кюн а – спорт самбода.

  Бу кюнледе «Ростелеком» Къабарты-Малкъарда 104 медицина учреждениягъа интернет тартып бошагъанды, деп билдиргендиле компанияны пресс-службасындан.

  Малкъар эм къабарты жыр искусствону тамырлары, белгилисича, буруннгудан келедиле.  Эрттегили жырла, макъамла, ёмюрледен бери эшитилгенлей,  халкъ ауузунда жюрютюлгенлей, аны жашаууна терен сингендиле.  Алада миллетни тарыхы, маданияты, бир сёз бла айтханда уа, жашауу толу ачыкъланады.

КъМКъАУ-ну агрономия факультетинде «NO-TILL – жерлени битимлилигин сакълау амал. Россейни бла Аргентинаны сынамы» деген илму-практика семинар бардырылгъанды бу кюнледе. Аны ишине КъМР-ни Эл мюлк министерствосуну, РАН-ны КъМР-де илму арасыны эл мюлк институтуну, республиканы агрохимия службасыны, университетни эмда «Престиж-К», «Современные агротехнологии» эм «Агрогалактика Дон» предприятияланы келечилери къатышхандыла.

  Бурун заманладан бери адам табийгъат бла хайырланыргъа итиннгенди,  Аллахдан келген къудуретни бузмай, аны бла тап келишиулюкде жашаргъа (хау, бюгюнлюкде хал бираз башхаракъды). Адам улуну  биринчи къол усталыгъына, искусствосуна аны кийиз жарашдырып тебирегенин санаргъа боллукъду. Ол  инсаннга къыйын табийгъат болумладан сакъланыргъа, кёлюн жарыкъ этерге да болушханды. Дуния башында жашау - турмуш кереклерине бу амалны хайырланмагъан этносну табаргъа бек къыйынды.

  «Каббалкэнерго» предприятиядан билдиредиле: электрокючню эсеплеучю приборну хайырланыргъа жараулу болжалы чыкъгъан эсе, ол эски тюрлюлеринден (1992 жылгъа дери этилген) бири эсе неда ишлемей эсе – аны мычымай алышындырыргъа керексиз. Ахыр экиси не халда болгъанларын билген къыйын тюйюлдю, биринчини уа заманы къачан жетериги квитанцияны огъары мюйюшюнде лицевой счётну тюбюнде жазылады.

   Депутат къаллай борчланы толтурады, бу къуллукъгъа кирир ючюн не этерге керекди, тиширыуну политикада не зат кёллендиреди. Ма быллай эм кёп башха соруулагъа жууапла берирге тюшгенди КъМР-ни Парламентини бешинчи чакъырылыууну спикери экономика илмуланы доктору Чеченланы Ануаргъа бла законла чыгъарыучу органны ючюнчю чакъырылыууну башчысыны орунбасары география илмуланы доктору Людмила Федченкогъа.

  Къабарты-Малкъарны биринчи профессионал алими-археологу, тарых илмуланы кандидаты, КъМР-ни илмусуну сыйлы къуллукъчусу Мызыланы Муссаны жашы Исмайылгъа быйыл декабрьде 78 жыл толлукъ эди.  Ол  Кавказны тарыхын тинтиу бла кюрешип, аны уста билгенден сора да, Востоковедлени битеусоюз ассоциациясыны  керти члени болгъанды, СССР-ни Илмула академиясыны география обществосуна киргенди.

Таукенланы Хусей, аны беш къарындашы да Огъары Малкъарда юйлери, юйдегилери бла  да бирге  жашап болгъандыла. Аталарыны юйю алагъа тарлыкъ этип башлагъанда, эки къарындашны – Хусейни бла Хажиомарны – энди къурала башлагъан Огъары Жемталагъа кёчюрюрге оноу этедиле. Ол а 1939 жылда болгъанды. Ол заманда  Хусейни  - тёрт, Хажиомарны  да беш сабийи бар эди. Жангы жерде уа алагъа дагъыда биришер бала къошулду.

Грозныйде Александр Матовниковну башчылыгъында РФ-ни Президентини СКФО-да толу эркинликли келечисиндеги Советни жыйылыуу  болгъанды. Анга КъМР-ни Башчысыны къуллугъун болжаллы халда толтургъан Казбек Коков къатышханды.

КъМР-ни Башчысыны къуллугъун болжаллы халда толтургъан Казбек Коков Къабарты-Малкъарны  саулукъ сакълау учрежденияларыны талайында болгъанды, ол санда Республикалы клиника больницаны, Чегемде район больницаны, Онкология диспансерни жокълагъанды.