|
Календарь событий
14 декабря 2018
14 декабря, 2018 - 10:20
Тёбен Чегемде билимли, чомарт адамларыбыз асламдыла. Россей Федерацияны, КъМР-ни да сыйлы врачы, медицина илмуланы доктору, профессор Мустафаланы Шабазны жашы Магомет аладан бириди. Ол Къабарты-Малкъарны къырал университетини стоматология бёлюмюне таматалыкъ этеди. Мен аны юсюнден сизге хапар айтыргъа сюеме.
14 декабря, 2018 - 10:05
Озгъан ёмюрню жыйырманчы жылларында Глоуланы Рамазан белгили адам болгъанды. Ол кеси Учкулан районда Къарт-Журт элде жашагъанды. Къарачай областьда жоллагъа, кёпюрлеге оноу этгенди, аны къолу жетмей хазна бузулгъан зат жангыртылмагъанды.
14 декабря, 2018 - 10:03
Прохладнада 180 адам жатарча эки корпусдан къуралгъан хирургия корпус ишленеди. Алты къатлы блокла бир бири бла байламлы боллукъдула, деп билдиредиле КъМР-ни Къурулуш министерствосуну пресс-службасындан.
«Б» эм «В» блоклада юйлени башларын жабып бошагъандыла, ток ызла, таза эм кир суу быргъыла, жылытыучу система да тартылгъандыла. Ичлеринде къабыргъала сюртюлгендиле, отоу тюпле тамам этилгендиле эм терезеле орнатылгъандыла. Бешинчи этаждан бла подвалдан къалгъанында хауа айланырча система жарашдырылгъанды.
14 декабря, 2018 - 09:58
Россельхозбанкны Къабарты-Малкъарда бёлюмюню депозит бохчасында бу кюнлеге 4,1 миллиард сом жыйылгъанды. Ол санда 3,9 миллиард - адамланыкъыды. Саулай алып айтханда уа, быйыл ол 2,4 миллиард сомгъа кёбейгенди.
14 декабря, 2018 - 09:55
Тырныауузну 6-чы номерли школуну окъуучусу Жаппуланы Хусей муратларына жетерге итиниулюгю, бола тургъан ишлеге тири къатышханы бла айырмалыды. Хар жыл сайын ол регион, битероссей эм халкъла аралы эришиуледе жетишимли болады. Физикадан «Инфо дерс» халкъла аралы дистанционный олимпиадада 15 баллдан барын да алгъанды.
14 декабря, 2018 - 09:50
Бир кюн тау элге бир сабий келген эди садакъа тилей. Аякълары - жалан, юсю - зыккыл. Адамла: «Къайдан келген болур бу жарлы? Кёзлери къысыкъладыла, узбеклими болур? Ай, хариб а, он жылы да толгъунчу факъыра жыйып айланнган, мындан ары къалай жашарыкъды?» - дей эдиле. Узбекча сёлешип да кёрдюле бир-бирле, ангыламагъанды. Жаланда орус тилни билгенди. Бирсле ашатдыла, тойдурдула, экинчилери юсюне кёлек бердиле, ючюнчюлери уа - ахча.
14 декабря, 2018 - 09:45
Адыгеяны Тахтамукай районунда грек-рим тутушуудан тёрели битеуроссей эришиу бардырылгъанды. Ол республиканы спортну усталарыны хурметлерине аталып къуралгъанды, хорлагъанлагъа бел баула бла сыйлы саугъала берилгендиле.
Турнирге битеу къыралдан да умутландыргъан сынамлы гёжефле къатышхандыла. Аланы араларында Лондонда Олимпиада оюнланы доммакъ призёру Заур Курамагомедов (63 кг.) да тутушханды. Ол, тёрт тюбешиу бардырып, барысында да хорлагъанды. Бу эришиу белгили спортчугъа Россейни чемпионатыны аллында ахшы жарау болгъанды.
14 декабря, 2018 - 09:42
Къыйын жашау болумгъа тюшген сабийлеге деп КъМР-ни Урунуу эмда социал къоруулау министерствосу, аны Нальчикде арасы Жангы жылгъа аталгъан байрам къурагъандыла. Алагъа сабийлени къууанчларын къураучу "Орешка" ара да себеплик этгенди.
14 декабря, 2018 - 09:33
Тетууланы Рамазанны къызы Мадина Огъары Малкъарны экинчи номерли школунда ишлегенли иги кесек заман болады. Устаз былтыр Россейде «Жылны бек иги устазы» деген конкурсда хорлап, эки жюз сомгъа тийишли грант алгъанды. КъМР-ни жарыкъландырыу илму эм жаш тёлюню ишлери жаны бла министерствосуну, Черек районну билим бериуюню управлениясыны сыйлы грамоталары бла да саугъаланнганды.
14 декабря, 2018 - 09:28
Огъары Чегемден Газаланы Исхакъ кёп жылланы устаз болуп ишлегенди. Сабийлени окъутхандан сора да, ол назмула, хапарла да жазгъанды, халкъыбызны тарыхын, таурухларын, адетлерин жыйыу бла да кюрешгенди. Аслам шартла тапханды, кёпню билгенди. «Заман» газетни редакциясы бла да байламлыгъы уллу болгъанды. Ол бизге терк-терк жазгъанды. Аны чыгъармалары бла окъуучула сюйюп шагъырейленнгендиле, бек жаратхандыла.
14 декабря, 2018 - 09:20
Сёз Нальчикде Суворов атлы бла Революционная орамла бирге къошулгъан жерде орналгъан юйню юсюнден барады. Бусагъатда ол тозурап бек осал халдады, ичинде адам жашарча тюйюлдю. 2006 жылда комиссия мекямны жараусузгъа санагъандан сора, муниципал программагъа кёре аны ичинде жашагъанланы башха жерге кёчюрюрге оноу этилген эди. Андан сора тёрт юйюр жангы фатарлагъа кетгендиле, болсада бюгюнлюкде анда арталлыда кетерге сюймеген биреулен барды.
14 декабря, 2018 - 09:15
Къашхатауну жер-жерли администрациясы Черек районда «Единая Россия» политика партияны «Молодая гвардия» бёлюмю бла бирге Инвалидлени халкъла аралы кюнюне атап, саусуз сабийлеге «Чомартлыкъ дунияны къаллай палахдан да къутхарыр!» деген ат бла байрам къурагъанды.
14 декабря, 2018 - 09:10
Россейде терк айныгъан терек бахчачылыкъны сингдириу жаны бла бизни республика биринчи болгъан эди. Шёндюледе да Къабарты-Малкъар бу сферада ал жерни бир регионнга да ычхындырмайды, деп билдиргендиле КъМР-ни Эл мюлк министерствосундан.
Быллай бахчачылыкъны айнытырча республикада хар не да барды дерчады. Ол санда иги айныгъан инфраструктура, гитче терекчикле ёсдюрюу, бетон чыпынла, буз ургъандан къоруулагъан аула, пластик орунла эмда терек бахчачылагъа ишде керекли затла чыгъарыучу производствола да.
14 декабря, 2018 - 09:05
Кёп болмай Куба-Таба элде «Радуга» деген жангы сквер ачылгъанды. Аны бла байламлы къууанчлы ишге КъМР-ни Правительствосуну Председателини орунбасары - инфраструктура эм цифровой айнытыу министр Владимир Болотоков, аны кенгешчиси Борис Балагов, Бахсан районну администрациясыны башчысы Артур Балкизов, жамауат организацияланы келечилери, элчиле, школчула эм башхала къатышхандыла, деп билдиредиле муниципалитетни пресс-службасындан.
14 декабря, 2018 - 09:00
Къабарты-Малкъарны Башчысыны къуллугъун болжаллы халда толтургъан Казбек Коков Россей Федерацияны Конституциясыны 25-жыллыгъына аталып Кремльде бардырылгъан къууанчлы жыйылыугъа къатышханды.
Ары Правительствону, Федерация Советни бла Къырал Думаны, толтуруучу эмда сюд властьны федерал эмда регион органларыны, дин конфессияланы, жамауат биригиулени, илму эмда билим бериу организацияланы келечилери да чакъырылгъан эдиле.
|