Билим

Алгъаракълада билдиргенибизча, Нальчикни 14-чю гимназиясыны эм Экинчи Чегемни 2-чи орта школуну 11 классларыны окъуучулары Кучукланы Марат бла Дана Алакаева «Умницы и умники КБР» теле-олимпиаданы регион кесегинде хорлап, финалгъа чыкъгъан эдиле.

«Россети Шимал Кавказ» компанияны бизни республикада бёлюмюню – «Каббалкэнергону» келечилери сабий тёлюге электрокючню, аны энчиликлерини, къоркъуусузлу хайырланыуну юсюнден дерслерин терк-терк бардыра туруучудула. Бу жол да кёп болмай аллай бирин Нальчикде орналгъан «Тейри къылыч» сабий-реабилитация арада ётдюргендиле. Анда солугъан гитче тёлюге Урван районда организациядан  электросетьлени келечилери келгендиле. Ала бла бирге уа Къабарты-Малкъар къырал аграр университетни «Предприятияланы энергия бла жалчытыу» факультетини экинчи курсунда окъугъан студентлени къаууму да.

Къабарты-Малкъар къырал университетни   Медицина  колледжини студентлери «Билим бериу» миллет проектни чеклеринде бардырылгъан «Россей Федерацияны инсанларын  патриот сезимде юйретиу»  федерал проектге  къатышадыла.

Бу кюнледе Къабарты-Малкъар къырал университетде педагогика, психология эмда физкультура-спорт билим бериу институтну педагогика колледжини Иш бериучюле бла байламлыкъны жаны бла советини орта профессионал билим бериуде  усталыкъ  кадрланы  хазырлау бла  байламлы  кенгертилген  жыйылыуу болгъанды.

Россейде предпринимательствону тарыхыны юсюнден бардырылгъан Битеуроссей тогъузунчу олимпиаданы бизни республикада кесеги кёп болмай Къабарты-Малкъар къырал аграр университетде ётгенди, деп билдиргендиле вузну пресс-службасындан.

Къабарты-Малкъар къырал аграр университетни экономика эм управление факультетинде «Тюз жарашдырылгъан резюме – жетишимли карьерагъа биринчи атламды» деген ат бла юйретиу дерс бардырылгъанды. Аны республиканы Урунуу, иш бла жалчытыу эмда социал къоруулау арасыны жаш тёлюге себеплик этген бёлюмю къурагъанды, деп билдиргендиле вуздан. Сагъынылгъан Ара бла бирге бу дерсни бардырыргъа КъМКъАУ-ну Профориентация эмда выпускниклени иш бла жалчытыргъа себеплик этген арасы да къыйын салгъанды. Жыйылыугъа преподавательле, вузну келечилери да къатышхан эдиле.

Россейни къыйын болумла жаны бла министри Александр Куренков эм жарыкъландырыу министри Сергей Кравцов сабийлени къоркъуусузларын жалчытыуда кючлерин бирикдирирча келишимге къол салгъандыла. 

Россейни МЧС-ни Къабарты-Малкъарда Баш управлениясында ведомствону бийик усталыкъ билим берген учрежденияларына курсантланы конкурсу башланнганды. Управленияда комиссия къуралгъанды, абитуриентлени ата-аналарына учреждениялагъа кириуню жорукълары ангылатылгъандыла.

МТС эм Россейни театр маданият институту - ГИТИС «Поколение М» федерал проектни чегинде республиканы школчуларына онлайн халда консультацияла ётдюрлюкдюле. Тюбешиулени эсеплерине кёре, сабийлени эм фахмулуларын ГИТИС-ге окъуугъа кирирча себеплик этерикдиле.

«Бизни мектебибиз айтхылыкъ алим Энейланы Тимурну атын жюрютеди, биз а аны атына кир къондурур амалыбыз жокъду!» - деген сёзле бла  тюбегенди Кёнделен элде  4-чю номерли мектепни директору  Атмурзаланы Мухтар.