Все статьи

Тюзлюгю, фахмулулугъу бизге бюгюн да юлгюдю

Шауаланы Черууну къызы Миналдан, «КъМАССР-ни маданиятыны сыйлы къуллукъчусу» деген атны алгъан биринчи таулу тиширыу, халкъыбызны таныулу адамларындан бири эди. Аны миллет адабиятха, маданиятха салгъан къыйыны уллуду. Юзюклери Уллу Ата журт урушха дери малкъар тилде чыкъгъан альманахда басмалансала да, китап болуп чыкъмагъан, алай а биринчи таулу романны авторуду эм таулулада биринчи бийик билим алгъан тиширыуду – 1933-1937 жыллада Москвада педагогика институтда тарых бёлюмде окъугъанды. 

Республикада онкология болушлукъ тапдырыу жаны бла чыкъгъан сорууланы сюзгендиле

18 августда КъМР-ни Саулукъ сакълау министерствосуну жамауат советини жыйылыуу болгъанды. Анга  РФ-ни Саулукъ сакълау министерствосуну паллиатив медицина болушлукъну илму-практика арасыны эм Радиология араны специалистлери, Къабарты-Малкъарны саулукъ сакълау министерствосунда пациентлени эркинликлерин сакълагъан жамауат организацияны советини келечилери, прокуратураны, Следственный комитетни къуллукъчулары, врачла  эм жамауат организацияланы келечилери къатышхандыла.

 

Миллет маршрутланы къурау – туризмни айнытыуну жангы амалы

Москвада «Путешествуй!» деген экинчи турист форум къуралгъанды, анда СКФО-ну битеу субъектлери «Кавказ. РФ» къурагъан майданда кёргюзтюлгендиле. Форумгъа къатышханла мастер-класслагъа, презентациялагъа къарагъандыла, россейли регионланы бла жууукъдагъы тыш къыралланы солуу къурауда онглары бла шагъырейлленнгендиле.

Жаш фахмуланы толу айныуларын жалчытыр ючюн не этерге керекди?

Фахмулула бизни арабызда жашайдыла, алай – жашырынлыкъда. Бу сёзлени Ульмский университетни алими Альберт Циглер энчи тинтиуню бардыргъанды, алада 40 –дан артыкъ фахмулу сабийни ачыкълагъанды. Не ата-анала,неда устазла кеслерини къолларында аллай сабийле болгьанларын сезмей тургъандыла. Кертида, ол фахмулу сабийле школда орталыкъ неда андан осалыракъ окъуучулагъа саналып болгъандыла, биргелерине жашагъанла эм окъугъанла бла келишалмай, къыйын къылыкълы сабийлеге саналып тургъандыла.

Физкультурникни кюнюне – баскетболдан эришиуле

 Физкультурникни кюнюне аталып, Нальчикде баскетболдан «Оранжевый мяч» деген эришиуле бардырылгъандыла. Турнирни республиканы Спорт министерствосу, бБаскетболдан федерациясы эм спортну бу тюрлюсюнден экинчи номецли школ къурагъандыла. Анга аслам команда – 180 адам – къатышхандыла.

Алчы жерде – «Нальчик»

Бахсанда регбиден тёрели эришиу бардырылгъанды, ол спортну бу тюрлюсюню ветераны Михаил Суановну хурметине аталгъанды. Эришиуню шахарны администрациясы, «регбиги Цюг» академиясы бла республикалы федерациясы къурагъандыла.

Халкъ жырланы ариу байрамлары – къууанчлы халда

Къабарты-Малкъар Республиканы къуралыууну 100-жыллыгъын эм Россей Федерацияны халкъларыны маданият хазналарыны жылын белгилеуню чеклеринде бу кюнледе буруннгу халкъ жырланы «Мени Ата журтум – мени жырым» деген фестивальлары озгъандыла. Ала эки белгили жырчы Зарамук Кардангушевни эм Отарланы Омарны атлары бла бардырылгъандыла, къураучулары КъМР-ни Маданият министерствосуду.

Сайлаууна ыразыды, жетишимлери кёллендиредиле

Илму жаны бла ышандыргъан жаш алимлерибизден бири Байкъазыланы Артур озгъан жылда «Синтез простых ароматических полиэфиров с кетоксиматными фрагментами и композиты на их основе»  деген темагъа химия илмуланы кандидаты даражагъа диссертациясын жетишимли къоруулагъанды. Андан сора да, ол 50-ге жууукъ илму ишни авторуду. Аладан беш статьясы ВАК-ны тизмесине кийирилген изданиялада басмаланнгандыла. Дагъыда тёртюсю «Скопус» эмда «Web ot Scince» Халкъла аралы  журналлада чыкъгъандыла.

 

Исси кюнледе сакълыкъ бютюн изленеди

Августну бу кюнлери болмагъанча къызыулукъ бла энчидиле. Адам, жаныуар да кеси кесине жер тапмагъанлай, салкъынны излеп къыйналадыла. Аны себепли бир къауум белгили амалланы къатлап эсигизге салабыз, сиз кесигизни сакъларча.

 

Республиканы жюзжыллыгъын аталгъан байрам жумушла

Россейни эмда Европаны эм бийик тёппесине бир кезиуге аслам халкъ чыгъаргъа умутлуду: КъМР-ни 100 жыллыгъына аталгъан Эльбрусиада-2022 бу кюнледе ётерикди. Минги-Таугъа Москвадан, Санкт-Петербургдан, Нальчикден, Иркутскдан, Краснодардан эмда талай башха шахарладан жюз чакълы бир альпинист ёрлерикдиле. Ала эки къауумгъа бёлюнюп чыгъарыкъдыла ары. Шёндю къонакъла акклиматизацияны ётедиле, жолгъа уа 19 августда тебирерикдиле.

Мариупольда россейли аскерчиле адамла жашагъан журтлагъа УР-77 сауут бла атдыргъандыла

Мариупольда энчи операция  баргъан кезиуде россейли аскерчиле мамыр адамла жашагъан жерледе УР-77 сауутну хайырланнгандыла, аны бла инсанлагъа аманлыкъчылкъ ишлени этгендиле, деп билдиргендиле украинлы асламлы информация органла. Аны юсюнден войнасфейками.рф телеграм канал.

Насийхат сёзлерин бюгюн да унутмайбыз

Устаз сабийни биринчи харфланы таныргъа, жаза, окъуй билирге юйретгенгени бла бирге, аны билим алыргъа талпындырса,ол таза да иги устазды дерге боллукъду. Ма мени да болгъанды аллай устазым - Боллуланы Ахматны къызы Аминат.

КАРДИОЛОГ

«Бир жол, къан басымым кётюрюрлюп, кёзюм-башым тёгерек айланып къыйналама.  Юйдегиле олсагъат терк болушлукъ берген машинаны чакъырадыла.  Келген врачла  мени къатымдан кетмей эки сагъатха дери кюрешедиле. Къан басымымы тюшюредиле. Болсада , больницагъа элтебиз, юйде къойсакъ,  инсульт болургъа къоркъуу барды, деп кардиология арагъа элтедиле. Ол Анда ингирде  ишлеген врач, олсагъат  битеу керекли амалланы этип, палатагъа дери ашырады.  Андан сора да ол  къатыма терк-терк келип, халиме къарап тургъанды»,-деп хапарлагъанды  манга  бир танышым.  Врач а  Ностуланы Карина эди.

Билим бериуде – аслам тюрлениуле

Августда Россейни билим бериу министрини орунбасары Андрей Корнеев да къатышып Нальчик шахарда форум бардырылгъанды.

Россейли аскерчиле общежитияны атдыргъандыла

Россейли аскерчиле Харьков шахарда орналгъан пенсионерле, сабийле эм сакъатла жашагъан общежитиягъа от ачхандыла. Аны хатасындан жаралы болгъанла да бардыла деп жазадыла украинлы асламлы информация органла. Бу билдириуню войнасфейками.рф телеграм-канал этгенди.

Ёмюрлюк эсгертмеле – деменгили тарыхыбызны бир бети

Къабарты-Малкъарда Уллу Ата журт урушда совет халкъны батырлыгъына аталгъан аламат эсгертмеле, аланы авторларыны бирлери дунияларын алышдыргъанлыкъгъа, бизге бюгюнлюкде да деменгили Ата журтубуз Уллу Хорламны болдурур ючюн сынагъан къыйынлыкъланы, жарсыуланы, ёлюмлени, жигитликлени юсюнден эсгертгенлей турадыла. Ольга Берггольцну: «Бу таш мермерлеге къарагъан инсан, сен бил – биреулен да унутулмагъанды, бир зат да унутулмагъанды!» – деген реквиеми бизге, саулагъа, ёмюрлюк насийхат болгъанын бир заманда унутмайыкъ.

Сыйдам да, къоркъуусуз да болгъанды

Кёп болмай «Къоркъуусуз эм тынгылы  автомобиль жолла» миллет проектге кёре,  «Прохладный — Эльбрус» жолну  эки километр чакълы бири  болжалдан алгъа  жангыртылгъанды. Аны юсюнден бизге КъМР-ни Транспорт эмда жол мюлк министерствосундан билдиргендиле.

Урлукъчулукъда бла селекцияда сынамны хайырланыр умутда

КБНЦ-ны Эл мюлк институтуну Терк районда илму-производстволу участкасында «Сабанны кюню 2022 ж. Жазлыкъ битимлени (нартюх, чёплеу, соя) импортну алышындырыу халда ёсдюрюуню энчиликлери» деген ат бла семинар-кенгеш ётгенди бу кюнледе. 

Бизнес бла кюреширге сюйгенлеге - тренинг

Быйыл 18 августдан башлап 24 августха дери «Азбука предпринимателя» деген тренинг бардырыллыкъды. Аны Къабарты-Малкъар Республиканы предпринимательствогъа себеплик этген Арасы, «МСП Корпорацияны» гитче эмда орта предпринимательствогъа билим бериу программасыны чеклеринде къурагъанды.

Сыйдам жолла, жашил айрыкамчыкъла, айбат майданла

Къабарты-Малкъар Республиканы 100-жыллыгъына хазырланыу Нальчикде къыстау барады: баш орамлары тапландырыладыла, пассажир транспорт тохтагъан жерледе шёндюгю заманнга келишген омакъ комплексле ишленедиле, шахарны тюрлю-тюрлю мюйюшлеринде жарашдырылгъан солуу майданчыкъла уа жамауатны къууандырадыла. Ишлене тургъан эмда хазыр болгъан аллай объектлени  къауумун КъМР-ни Башчысы Казбек Коков да жокълагъанды.

Страницы